Ribadeo, 6 de xaneiro, 2026. A Cabalgata de Ribadeo encheu de maxia e de ilusión as rúas da vila. O séquito de Melchor, Gaspar e Baltasar puido completar todo o percorrido a pesar da chuvia e das baixas temperaturas. No Concello foron recibidos polo alcalde, Dani Vega, e polas concelleiras e concelleiros do equipo de goberno. Despois de entregar os seus presentes ao neno Xesús saudaron desde o balcón do Pazo de Ibáñez aos asistentes e Melchor foi o encargado de dirixirlles unhas palabras. A continuación trasladáronse ao Salón dos Alcaldes, onde fixeron fotos coas nenas e cos nenos de Ribadeo e escoitaron as súas últimas peticións.
O rexedor tivo palabras de agradecemento “para todas e cada unha das persoas que traballaron desinteresadamente estas semanas para que a Cabalgata de Reis lucise diferente neste 2026. Gustaríame facer unha mención especial a Marta López e Mary Iriarte, de Manualidades Marta, e a Marta Cuétara, que traballaron conxuntamente coas concelleiras Marta Saiz e Begoña Sanjurjo”.
Vega manifestou: “grazas á labor realizada polos traballadores municipais, á Policía Local, a Protección Civil e ás persoas voluntarias que nos botaron unha importante man na tarde de onte. E moitas grazas tamén a ese séquito de máis de 80 persoas que acompañou aos Magos de Oriente polas rúas de Ribadeo. Esta tradicional cita irá mellorando ano tras ano. Grazas tamén a Acisa pola súa colaboración para canalizar as colaboracións e os patrocinios de máis de 70 empresas de Ribadeo”.
Patrocinaron a Cabalgata de Ribadeo: Xoiería Azabache, Centro Dental Pedraza Cotarelo, Bar Queimada, A Horta de San Roque, Gasóleos Abelleira, A Cova, Peluquería Boutique, La Solana e Galipizza. E colaboraron as seguintes firmas: A Mariña Asesores, O Indiano Ribadeo, La Coqueta, Linares, Óptica Miró, Ferretería Morán, Farmacia Álvarez Lebredo, Perseidas, Bimba 13, Panadería Torviso, Mercería Torviso, Siñeiro Hogar, Faro Norte Comunicación, Menfer, Hola Ola, Ferrado Marelo, Opticalia, Bahía, Barallocas, Mercería Confección Susana Moreira, Galán Moda Hombre, Asador La Quinta, Mar de Rinlo, Kids&Us, Calzados La Moda, La Moda Básico, Adele, Bar Cienfuegos, Multitiendas Teresa, Bodegas Ribeirao, Mimimó, O Lar de Manolo, Bar Portillo, Electronima, Grisi, Mariscos Ribadeo, Reiriz, By Hortensia, Óptica Carreira, Araucaria, Beep Ribadeo, Autoescuela Destavai, Farmacia María Eugenia, Sanjurjo Moda, Jilgueritos, Naná, Farmacia Montserrat Iglesias, Hotel O Cabazo, Apartamentos Escuder, Asesoría Administrativa Ribadeo, Anais, Boutique Valentina, Casa Mandarina, Rosalar, Deportes Docobo, Terra Branca, Estanco La Carrilla, Xeito Decoración, La Florida, Perruquería Guedellos, DeLira e Costa Verde.
A concelleira de Comercio e Turismo, Marta Saiz, agradeceu “o traballo realizado polas modistas (Tina, Visi, María Victoria, Elba, Cova, Carmucha, Menchu e Teresa), que durante semanas prepararon todos os traxes que se puideron ver onte, a Susana Kempes, a NordésFlor, a Gráficas Ribadeo, ao grupo de Carnaval de Barres, a Freitas e Noelia, a Densueño, aos donos e condutores dos tractores que tiraron das carrozas e do camión dos agasallos, a Balbino, que montou o portal e o pesebre, á Virxe María, a San Xosé e ao neno Xesús, á Coral Polifónica de Ribadeo que gravou as panxoliñas que se escoitaron durante o percorrido, á Escola Municipal de Música e Danza, a Escola de Ximnasia Rítmica Porta Norte, á Comisión de Festas de Ribadeo, a El Farero Audivisuales e a Aturuxo. Moitas grazas a todos”.
A presidenta de Acisa, Carmen Cruzado, declarou que “todo esforzo ten a súa recompensa e quedámonos coa cara de ilusión e de sorpresa de todas as nenas e os nenos que, acompañados polas súas familias, encheron as rúas de Ribadeo, a pesar da auga e das frescas temperaturas de onte, e fixeron cola para poder ver de cerca aos Reis Magos no Salón dos Alcaldes do Concello”.
O alcalde subliñou que “todo o pobo se volcou coa Cabalgata de Reis”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
