Nota de prensa:
O AUDITORIO MUNICIPAL ACOLLERÁ O SÁBADO O FESTIVAL INTERPARROQUIAL DE NADAL
* A actividade dará comezo ás 18.00 horas e está organizada pola Unidade Pastoral de Cervo en colaboración co Concello de Cervo.
Cervo, 16 de decembro de 2010.- A concellería de Cultura que dirixe a popular Chelo Gallego, ven de informar da celebración o vindeiro sábado, 18 de decembro, do festival interparroquial que tradicionalmente organiza a Unidade pastoral de Cervo co gallo das festas de Nadal.
A cita desenvolverase no Auditorio municipal da Casa da Cultura de San Ciprián a partires das seis da tarde con entrada libre e gratuíta. O festival incluirá as actuacións dos grupos de todas as parroquias do municipio, os cales realizarán representacións de teatro, lectura de poesías, panxoliñas e cancións típicas destas datas de Nadal que serán interpretadas por pais, nenas e nenos de catequese e post-comunión y confirmación. Os actos complementaranse cunha exposición e venda de produtos do comercio xusto por parte de Cáritas.
Pequenadal
Ao día seguinte tamén está prevista a celebración doutro festival de Nadal, neste caso o Pequenadal, organizado polo Concello de Cervo e ao que están convidados os nenos e nenas máis pequenos. Será ás 18.00 horas no Auditorio da Casa da Cultura e o atenderán as profesionais do Punto de Atención á Primeira Infancia (PAI).
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
