Os populares sinalan que as administracións públicas “temos a obriga” de fomentar e apostar por iniciativas empresariais que como Quescrem poden dar futuro aos nosos municipios, sendo un dos principais mecanismos para combater o despoboamento, permitindo que poida asentar o seu proxecto de vida
Lugo, 9 de marzo de 2026. Continuando coa planificación de coñecer empresas asentadas na provincia, o seu funcionamento e como fan medrar á economía provincial, os deputados do Grupo Provincial do Partido Popular achegáronse ás instalacións de Quescrem, situada no concello de Castro de Rei, visita que aproveitaron para poñer en valor “o papel estratéxico” das empresas agroalimentarias que apostan pola provincia de Lugo.
O voceiro provincial popular, Antonio Ameijide, destacou que proxectos como o de Quescrem son “o un gran exemplo e a mellor mostra de que o rural galego pode liderar mercados nacionais e internacionais dende a innovación e o respecto ao sector primario”.
Ameijide destacou a importancia para a provincia de poder contar con proxectos empresariais como o de Quescrem, valor que “non reside só na súa facturación, senón na súa capacidade para dar valor aos excedentes e á produción de leite local, así como a creación de emprego en municipios eminentemente rurais”.
“Iniciativas empresariais como Quescrem son fundamentais para fixar poboación. Non só crean emprego directo, senón que garanten unha saída competitiva e de calidade para o traballo dos nosos gandeiros, que son a base fundamental da economía lucense”, sinalou.
Quescrem consolidouse como un referente na fabricación de queixo crema e outros derivados lácteos, unha importancia empresarial que se ve reflectida en datos como contar cun cadro de persoal que supera os 90 profesionais, sendo unha das principais fontes de traballo cualificado na Terra Chá, unha facturación anual duns 20M€, e un traballo ben feito que leva o nome de Lugo a máis de 40 países.
Pola súa banda, o deputado provincial e alcalde de Castro de Rei, Francisco Balado, destacou a importancia desta iniciativa para o municipio, como tamén o de tantas outras empresas e proxectos agrogandeiros, pero quixo recordar “a aposta de Quescrem en I+D+i, o que lle permite adaptar os seus produtos ás esixencias da alta gastronomía e da industria alimentaria global”.
Francisco Balado recordou a importancia de que todas as administracións públicas sigan apoiando ao tecido industrial nos municipios rurais. “Se queremos unha provincia viva, forte e que siga a medrar, necesitamos facilitar o crecemento de empresas que transforman a nosa materia prima en produtos de alto valor engadido sen abandonar as súas raíces”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
