O Concello instala nove contadores de telelectura e divide a rede en máis de 15 sectores para mellorar a detección de fugas e reducir perdas de auga
Burela, 17 de marzo de 2026. O Concello de Burela completou a sectorización completa da súa rede de abastecemento de auga, unha actuación orientada a mellorar o control do consumo e reducir as perdas. Onte, día 16 de marzo, a obra foi supervisada pola alcaldesa, Carmela López, xunto co concelleiro de Obras, Ramiro Fernández, e o xefe do Servizo de Augas municipal.
A intervención consistiu na instalación de nove contadores de telelectura que permiten o envío de datos en tempo real ao Servizo de Augas. Segundo explicou Fernández, esta tecnoloxía facilita “un control contínuo de toda a rede, o que permite detectar con maior rapidez fugas ou incrementos anómalos do consumo”.
Coa actuación, a rede pasa de estar dividida en seis sectores a contar con máis de 15 zonas diferenciadas. Isto, segundo indicou o concelleiro, supón unha mellora significativa na capacidade de resposta, xa que “cando detectamos un aumento de consumo nunha zona, inmediatamente o Servizo de Augas se pon a traballar nela”. Engadiu ademais que anteriormente a localización de fugas resultaba máis complexa ao ter que revisar practicamente toda a rede.
A obra foi financiada parcialmente mediante unha subvención de Augas de Galicia no marco dos fondos europeos Next Generation EU. O importe da axuda ascendeu a 39.874,62 euros, mentres que o custo total da actuación foi de 48.248,29 euros, sendo a contía restante asumida polo propio Concello.
Na actualidade, o rendemento da rede de abastecemento de Burela sitúase por riba do 80%. O concelleiro cualificouno como un dato positivo en comparación con outros municipios, explicando que “se perde moi pouca cantidade de auga”, aínda que incidiu na necesidade de mellora continua: “o ideal sería achegarse ao 100%, aínda que é moi difícil, pero seguimos traballando para minimizar ao máximo as perdas”.
Segundo indicou Fernández, esta actuación “forma parte da liña de traballo de compromiso co medioambiente e da busca da eficiencia enerxética e de recursos que queremos para o Concello, en beneficio da veciñanza”.
O Concello estuda, ademais, a posibilidade de incorporar contadores adicionais en zonas de gran consumo, como o hospital, co obxectivo de reforzar aínda máis o control sobre a rede.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
