Advirten de que o municipio leva anos acumulando promesas do PP sen executar mentres continúan sen avanzar en infraestruturas básicas
Xove, 18 de marzo, 2026. O PSdeG de Xove lamentou que a recente visita de deputados provinciais do Partido Popular ao municipio se limitase a un acto institucional sen tratar ningún dos problemas que o concello leva anos arrastrando. A formación considera positivo que representantes públicos se acheguen a Xove, pero critica que o encontro non servise para ofrecer explicacións nin comprometer solucións.
Segundo explican, “Xove leva case dúas décadas escoitando anuncios e promesas que nunca se concretan en feitos. Resulta sorprendente que nunha visita institucional non se falase nin dunha soa destas melloras tan necesarias para a veciñanza”.
Os socialistas lembran que, durante o debate dos orzamentos da Xunta, xa advertiran de que Xove quedaba novamente sen investimentos relevantes, malia as emendas presentadas para financiar actuacións prioritarias. Entre elas, destacan o Portiño de Morás, un proxecto anunciado reiteradamente pero que continúa sen executarse. “Levan anos vendendo esta mellora, pero a realidade é que segue sen pasar das fotografías e das promesas”, denuncian.
Outro dos asuntos que o PSdeG reclama é a ampliación do polígono industrial de Camba, inaugurado en 1999 e sen actuacións significativas desde entón. “A ampliación leva anos anunciándose a bombo e prato, pero nunca chega. Xove non pode seguir perdendo oportunidades de desenvolvemento industrial pola falta de vontade política do goberno local”, apuntan.
Tamén sinalan as graves deficiencias da rede de abastecemento de auga, construída nos anos 90 e cada vez máis deteriorada. “Temos unha infraestrutura terceiromundista: cando chove, a auga chega ás casas coma barro e no verán repítense as restricións. Existe un proxecto de mellora de 1,5 millóns de euros, pero a Xunta non destina nin un euro”, critican.
Os socialistas engaden a falta de avances en saneamento, mellora ambiental e na vía de altas prestacións entre O Castelo e Ferrol, unha infraestrutura anunciada en múltiples ocasións pero sen avances reais.
Desde o grupo municipal conclúen que este tipo de visitas deberían servir para dar resposta ás necesidades da cidadanía. “Estamos encantados de que se visite Xove, pero pedimos que estas visitas se aproveiten para falar do verdadeiramente importante: mellorar a calidade de vida da veciñanza, e non só para facer anuncios baleiros e sacar fotografías”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
