Lugo, 31 de marzo de 2026. O Pleno da Deputación de Lugo aprobou este martes unha proposta de Goberno en defensa da autonomía e do financiamento dos concellos e das deputacións galegas fronte ao Anteproxecto de Lei de Administración Local de Galicia (ALALG). A iniciativa contou cos votos favorables de PSdeG e BNG e o voto en contra do PPdeG.
A Presidenta da Deputación, Carmela López, advertiu antes da sesión que “si que podemos coller máis competencias, pero teñen que ser financiadas”, subliñando que o texto non garante recursos para asumir novas obrigas. O deputado Pablo Rivera Capón defendeu a postura provincial, centrada en cuestións de fondo: quen decide, quen paga e quen responde ante a cidadanía. A Deputación pide retirar ou reformular substancialmente o documento antes da súa tramitación parlamentaria.
Rivera recoñeceu a necesidade de actualizar unha lei vixente desde 1997, pero advertiu de que o anteproxecto “non fortalece o municipalismo: tutela, recentraliza e traslada responsabilidades sen garantir financiamento”. Criticou tamén o proceso de elaboración da norma, que cualificou de “mal tramitado” por non contar coa participación efectiva de concellos e deputacións nin cumprir coa consulta pública previa.
Defensa do modelo territorial galego
A Deputación expresou a súa preocupación pola eliminación de referencias a parroquias e comarcas e pola indefinición competencial, que podería afectar especialmente aos concellos pequenos ao limitar a súa capacidade real de decisión. Reclamouse respecto á Carta Europea de Autonomía Local e participación cidadá en calquera proceso de fusión municipal.
Financiamento e Fondo de Cooperación Local
O Goberno provincial criticou que o anteproxecto implique “máis obrigas coa mesma carteira”. Sobre o Fondo de Cooperación Local, denunciou que a creación de subfondos condiciona na práctica o acceso aos recursos e dificulta a planificación anual.
A Deputación presentou 20 alegacións, aprobadas no Pleno, e reiterou a súa vontade de diálogo institucional. Avanzouse unha reunión bilateral Xunta–Deputación para abordar as propostas “punto por punto”.
Nova ordenanza dos Centros de Atención a Maiores
O Pleno aprobou tamén a nova ordenanza que regula o acceso, prezos públicos e réxime interno dos Centros de Atención a Maiores da Deputación. O obxectivo é un sistema máis xusto, adaptado á realidade social e territorial da provincia, reforzando criterios de acceso, simplificando trámites —que pasan a ser xestionados pola Deputación— e aplicando un modelo de pagamento progresivo segundo ingresos e patrimonio.
A normativa introduce novidades como:
• maior peso da proximidade ao centro,
• valoración de vínculos afectivos e non só familiares,
• incorporación da soidade non desexada como criterio,
• puntuación adicional para persoas que viven en contornos rurais afastados.
O prezo público actualízase tras oito anos sen revisión, mantendo un mínimo vital para gastos propios e aplicando unha táboa redistributiva progresiva que favorece rendas baixas e medias. “Ninguén debe quedar fóra dun servizo esencial por non ter recursos”, afirmou Rivera.
Moción contra a guerra
O Pleno aprobou tamén unha moción socialista contra a guerra, defendida por Xosé María Arias, co apoio de PSdeG e BNG e a abstención do PPdeG. A Deputación expresa o seu rexeitamento a calquera conflito bélico, reclama o cesamento inmediato das hostilidades e manifesta solidariedade coas vítimas civís, defendendo a vía diplomática como única saída.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
