Viveiro, 17 de abril, 2026. O Grupo Municipal Socialista de Viveiro denunciou publicamente a falta de respecto institucional da alcaldesa ao non informar nin convocar aos grupos da oposición —PSOE e BNG— á visita realizada hoxe pola conselleira de Medio Ambiente para presentar as actuacións derivadas da riada.
Desde o PSOE consideran inaceptable que un acto institucional desta relevancia se xestione de maneira partidista, excluíndo a quen tamén representa a unha parte moi importante da veciñanza de Viveiro.
O grupo socialista lembra que este episodio non é illado. No último mes e medio tiveron lugar varias visitas institucionais de representantes da Xunta de Galicia nas que, segundo explican, a alcaldesa actuou do mesmo xeito: a visita do director de Turismo de Galicia, a da conselleira de Infraestruturas para supervisar as obras da LU-540, a recente visita da conselleira de Política Social ao centro da Asociación de Alzhéimer —cedido polo Concello— e a visita de hoxe da conselleira de Medio Ambiente. En total, catro ocasións que, para o PSOE, evidencian unha forma de actuar reiterada.
O PSOE lembra tamén que a riada de Xunqueira de 2018 foi unha das maiores catástrofes sufridas no municipio, cun impacto moi relevante para a cidadanía. Por iso consideran que, tras anos de atraso na execución das obras por parte da Xunta, o mínimo esixible era actuar con transparencia e lealdade institucional.
O grupo socialista sinala ademais que, cando a actual alcaldesa estaba na oposición, non reclamou á Xunta un trato adecuado para Viveiro. Agora, afirman, mantén esa mesma liña excluíndo á oposición e, por extensión, a unha parte importante da cidadanía.
O PSOE de Viveiro esixe respecto institucional e lembra que non se pode gobernar excluíndo aos grupos da oposición nin convertendo actos oficiais en eventos de partido. A representación institucional, subliñan, é de toda a corporación.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
