Lugo, 11 de maio de 2026. A Deputación de Lugo leva este venres ao concello de Foz o espectáculo Risas con perspectiva feminista, do dúo cómico Sobria e Serena. As referentes do humor galego Arantxa Treus e Jazmin Abuín conducirán un espazo de humor e reflexión cun ton crítico e irreverente que terá lugar na Casa da Cultura focense ás 19:00 horas. A entrada será libre e gratuíta, pero o aforo está limitado a 90 persoas.
Esta cita, que forma parte da programación feminista da Deputación de Lugo, xa parou no concello de Vilalba, poñendo o feminismo ao alcance de todas e todos cun humor comprometido. A Deputada de Muller e Igualdade, Marisol Morandeira, destacou antes do espectáculo chairego que o obxectivo da programación provincial “é, ademais de informar, conectar coa cidadanía, facer pensar e contribuír a desmontar prexuízos”.
As humoristas Arantxa Treus e Jazmín Abuín contan cunha ampla traxectoria nos escenarios galegos, combinando monólogos, teatro e televisión cun estilo fresco, próximo e cheo de retranca. Ambas destacan pola súa capacidade para conectar co público a través dun humor actual e reivindicativo, converténdose en dúas das voces femininas máis recoñecidas da comedia en Galicia.
A concelleira Ana Rojo anuncia que “dentro da programación feminista que ven de lanzar a Deputación de Lugo, a Delegación de Muller de Foz acolle esta iniciativa, baixo un formato diferente de monólogos, cun humor comprometido, próximo é accesible, abordando cuestións e reflexións complexas, con outra perspectiva feminista. Historias reais e experiencias persoais contadas con humor e moita sátira; un espectáculo irreverente con enfoque crítico, unha proposta que vai máis alá do monólogo tradicional, combinando a través da comedia, o teatro e a música; invitando a reflexión sobre o papel da muller na sociedade actual, na educación e na cultura, a través dunha mirada crítica, linguaxe próximo e humor comprometido e terapéutico”.
Ana Rojo tamén explica que o espectáculo “está protagonizado por un dúo de artistas cómicas galegas: Jazmín Abuín e Arantxa Treus (Sobria e Serea. O Chou), dándolle un enfoque irreverente, mesturando monólogos con música e sátira, unha proposta que vai máis alá dos monólogos tradicionais. Por todo isto animamos ás veciñas e veciños a que se acheguen dispostos a pasar unha tarde de risas, desmontando prexuízos, con humor crítico, reflexionando sobre a igualdade de xénero e cuestionando o machismo dende o humor, con perspectiva feminista. A actuación dará comezo ás 19:00 e será ata 20.30 horas. Noventa minutos de risas, música e historias reais, coa participación dunha muller de referencia focega: dona Julia María López Neira (Julita da Pelola), que nos contará a súas vivencias, axudándonos a entender os logros acadados por xeracións de mulleres focegas, que loitaron e traballaron a reo nuns anos difíciles e de forte patriarcado. Por todas esas mulleres focegas que contribuíron a facer pobo esperámosvos o día 15 de maio para disfrutar do talento e do chou de Sobria e Serena. A entrada o evento será de balde”.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
