Marta Rouco lamenta un retraso “innecesario” que afectou ao funcionamento municipal e á tramitación de persoal, facturas e contratos do Concello
Vilalba, 12 de maio de 2026. O Concello de Vilalba aprobou inicialmente os orzamentos municipais de 2026 tras finalizar o prazo legal derivado da cuestión de confianza vinculada ás contas. A alcaldesa, Marta Rouco, lamentou o “retraso innecesario” provocado pola oposición, que mantivo bloqueado durante case dous meses un documento clave para o funcionamento municipal.
A rexedora explicou que esta demora afectou á posta en marcha de novas prazas de persoal, á tramitación de contratos e subvencións e ao pago de facturas, o que dificultou a capacidade do Concello para responder con axilidade ás necesidades da veciñanza. Rouco subliñou que “non existía unha alternativa real nin un proxecto diferente para Vilalba”, e que o bloqueo só serviu para atrasar cuestións importantes do día a día municipal.
Unha vez aprobados inicialmente, os orzamentos publicaranse no Boletín Oficial da Provincia para abrir o período de exposición pública. Se non hai alegacións, quedarán aprobados definitivamente; en caso contrario, será o pleno quen resolva as reclamacións.
A alcaldesa destacou a responsabilidade e estabilidade do goberno local durante todo o proceso e insistiu en que o executivo continuará centrado na xestión diaria e na resolución dos problemas reais da veciñanza. “Vilalba conta xa cunha ferramenta fundamental para avanzar con planificación, estabilidade e responsabilidade”, concluíu.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
