José Osorio, voceiro do PP, recorda que os estatutos da Fundación establecen que “os órganos de goberno non poden ter retribucións”, polo que o alcalde realizou “diversos tejemanejes” para poder nomearse xerente e así autoasignarse unha retribución extra anual de case 20.000€
Ribeira de Piquín, 13 de maio de 2026. O voceiro do PP de Ribeira de Piquín, José Osorio, amosou publicamente as súas dúbidas sobre “o funcionamento” da Fundación Terreo, sobre a que se pregunta “que ten que agochar o alcalde” xa que “sistematicamente se dedica a poñer trabas ás nosas peticións de acceso” a documentación e expedientes desta Fundación.
José Osorio explica que hai poucos días que presentou un recurso de reposición contra a resolución de alcaldía pola que se denegaba o acceso aos expedientes de forma telemática e “unicamente se facilitaba a consulta en papel”. “Considero que esta decisión vulnera os meus dereitos como concelleiro e a miña labor de fiscalización do goberno local xa que hai documentación que como concelleiro teño o dereito de ter e non so consultar”, destacou.
No escrito presentado reclámase acceso íntegro e copia electrónica dos seguintes documentos:
– Estatutos da Fundación e documentación relativa á súa constitución, adscrición e réxime xurídico
– Composición do Padroado e acordos relativos á súa presidencia
actas, acordos, resolucións e decretos relativos á Fundación
– Contratos, encargos, convenios, nomeamentos ou títulos xurídicos en virtude dos cales o alcalde preste servizos retribuídos á Fundación
– Informes de Secretaría, Intervención ou doutros servizos xurídicos ou económicos
– Informes sobre compatibilidade, incompatibilidade, abstención ou conflito de intereses
– Expedientes de aprobación e fiscalización do gasto
– Facturas, nóminas, xustificantes de pagamento, recoñecementos de obrigas e documentación contable ou orzamentaria vinculada
– Contas anuais, memoria económica e demais documentación económico-financeira relacionada con tales pagamentos ou servizos
Deste xeito, o voceiro do PP pregunta “que ten que agochar o alcalde para poñer tantas trabas” xa que “sempre que pregunto sobre a Fundación aparecen problemas para poder acceder á documentación”. Ademais, denuncia que durante a consulta que realizou da documentación de forma presencial e da que non se facilitou copia algunha, “esixíuseme asinar un documento para que non puidese empregar nada da documentación consultada”, é dicir, “o propio alcalde quere impedir o noso traballo e que poidamos denunciar publicamente os seus tejemanejes”.
Neste senso, José Osorio recorda como “a pesar de que o alcalde non quere, xa fixemos público como emprega a Fundación Terreo para aumentar as súas retribucións mensuais”. O voceiro do PP en Ribeira de Piquín explica que os estatutos de goberno da Fundación establecen que os órganos de goberno da mesma deben de realizar as súas funcións de forma gratuíta, pero “a realidade é que o alcalde lle deu voltas aos estatutos ata atopar a forma de poñerse un sobresoldo de case 20.000€ anuais”.
A fórmula empregada polo alcalde de Ribeira de Piquín, e tamén presidente da Fundación, foi nomearse a el mesmo xerente da Fundación para así poder asignarse un salario “ao non ser un órgano de goberno”.
Unha situación que contrasta coa realidade da Fundación, “que é totalmente deficitaria”. A Fundación Terreo pechou o ano 2024 (son as últimas contas ás que tivo acceso o voceiro do PP en Ribeira de Piquín) cun déficit superior aos 131.000€.
Os ingresos nese exercicio foron de 242.538,93€ e unhas obrigas recoñecidas de 373.631,03€. “Queda claro para o alcalde non emprega a Fundación para xerar emprego e riqueza no municipio, e moito menos para asentar poboación; unicamente lle interesa para poder engrosar as súas retribucións cada mes”, denunciou.
“Vemos como como hai un desfase dun 35%, o que evidencia que a xestión do alcalde, presidente e xerente é moi mala. Cómpre cambiar o rumbo para que a Fundación cumpra o cometido para o que naceu”, sentenciou.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
