Ribadeo, 13 de maio de 2026. Máis de 120 ciclistas daranse cita este domingo, 17 de maio, no III Trofeo Máster Vila de Ribadeo.
O concelleiro de Deportes, Francisco José Silvent, explicou que “a proba arrincará ás 11 da mañá desde o parque de San Francisco e reunirá a 120 ciclistas das categorías masculinas M30, M40, M50 e M60. O evento forma parte do Campionato de Galicia de Estrada 2026 e vainos converter en punto de encontro para os amantes do ciclismo esta fin de semana. Ata Ribadeo se van achegar corredores procedentes de distintos puntos de Galicia para disputar unha das probas destacadas do calendario autonómico desta disciplina deportiva”.
O edil ribadense subliñou que “Ribadeo encherase de ambiente ciclista esta fin de semana. Animamos a presenciar a saída a partir das 11 da mañá deste vindeiro domingo, día 17, e o seu paso polas rúas da nosa vila”.
O III Trofeo Máster Vila de Ribadeo, que organizan o Club Ciclista Eo e o Concello de Ribadeo, foi presentado nas inmediacións do Pazo de Ibáñez. Ao acto asistiron o alcalde, Dani Vega, o concelleiro de Deportes, Francisco José Silvent, o xefe do Servizo Provincial de Deportes da Xunta en Lugo, Manuel Otero, o técnico municipal de Deportes, Iván López, o presidente e o secretario do CCEO, Marcelino López e Ismael Rey, e Lázaro López, coorganizador do evento.
Francisco José Silvent agradece “o apoio de todas as firmas colaboradoras con esta proba ciclista”.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Concello informa de este mércores producirase un corte no subministro de auga en varias parroquias con motivo das obras de abastecemento que se están a realizar en Landrove. As zonas afectadas serán as parroquias de Chavín, San Pedro, Valcarría, Landrove, Galdo e Magazos ata Ruanova. O corte está previsto entre as 9.00 e as 15.00 horas aproximadamente, polo que se recomenda á veciñanza que tome as medidas oportunas durante esa franxa horaria. Desde o Concello pídeselle comprensión á cidadanía polas molestias que esta incidencia poida ocasionar e lémbrase que se trata dunha afección puntual derivada dunha actuación necesaria para a mellora da rede de abastecemento.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A iniciativa, organizada polos concellos de Navia, Coaña e Villayón xunto coa asociación AISPA, reuniu máis de 70 persoas. Explicáronse requisitos, prazos e novidades dun proceso cuxo prazo remata o 30 de xuño. Os tres municipios detectaron a necesidade de ofrecer información e apoio á poboación migrante para facilitar a súa regularización e acceso ao emprego, especialmente nun momento no que sectores como os coidados, a construción e o metal precisan man de obra. Os concellos valoran a alta participación e lembran que para dúbidas adicionais está dispoñible o teléfono 655 608 610.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
