A conselleira María José Gómez visitou hoxe as instalacións das queixerías Prestes e Fontelas, que foron galardoadas na 16ª edición do Campionato dos Mellores Queixos de España, celebrado no marco do Salón Gourmets de Madrid
Vilalba, 13 de maio de 2026. A conselleira do Medio Rural, María José Gómez, acompañada polo director da Axencia Galega da Calidade Alimentaria, Martín Alemparte, salientou hoxe a excelente calidade dos queixos galegos, recoñecidos entre os mellores de España no Salón Gourmets de Madrid celebrado o pasado mes de abril. Neste sentido, visitou as instalacións das queixerías Prestes e Fontelas, que foron algunhas das galardoadas na 16ª edición do Campionato dos Mellores Queixos de España, no marco desta feira.
En concreto, a conselleira lembrou que oito queixerías galegas recibiron 12 galardóns por dez dos seus queixos. No caso de Queixería Prestes, foron dous premios na categoría de vaca nova leite/cru pasteurizada pola súa peza amparada pola Denominación de Orixe Protexida (DOP) Queixo Tetilla, a prata e a mención especial ICEX Gold. Fontelas Queixería foi premiada co ouro na categoría de queixos afumados pola súa peza da DOP San Simón da Costa.
A titular de Medio Rural trasladou os seus parabéns por estes recoñecemento e salientou que estas dúas queixerías son un exemplo do bo facer que caracteriza ao sector primario galego. Neste senso, destacou que os produtos agroalimentarios galegos, neste caso os queixos, gozan de gran recoñecemento en espazos gastronómicos especializados nos que o público ao que se dirixen é internacional, como é Salón Gourmets.
Valor económico de máis de 58 millóns de euros
Gómez tamén resaltou o potencial do sector dos queixos en Galicia, con catro DOP que acadaron o pasado ano un valor económico estimado de máis de 58 millóns de euros. Engadiu que esta cifra amosa a importancia deste tipo de producións de calidade para a economía galega, en especial, para as zonas rurais.
Por iso, destacou que para o Goberno autonómico é unha prioridade fortalecer estas producións agroalimentarias amparadas por selos de calidade diferencia. Para facelo, explicou, desde a Consellería desenvólvense iniciativas como o Plan Saborea Calidade Diferenciada, dotado cun orzamento de 10 millóns de euros neste ano, a través do cal se potencia a promoción destes produtos en eventos como Salón Gourmets e tamén con actividades para dar a coñecer estas elaboracións dentro de Galicia.
Así, no marco deste plan, ademais do Túnel dos Queixos Galegos que se desenvolve nas principais feiras gastronómicas nas que participa a Xunta, tamén se promove a presenza do sector en eventos especializados de referencia internacional, como Fromago Cheese Experience, que terá lugar en setembro en Zamora; SIAL Paris, prevista para outubro; e o International Cheese Festival, que se celebrará en novembro en Córdoba.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
