A Mariña, 20 de maio de 2026. A implicación da poboación local é clave no desenvolvemento dun modelo turístico sostible no territorio. Baixo esta premisa a Mancomunidade de Concellos da Mariña Lucense activou, no contexto do Plan de Sostibilidade Turística e máis concretamente na campaña de comunicación interna A Mariña Latexa contigo, un espazo aberto no que a cidadanía e os axentes do sector puideran achegar a súa opinión sobre o turismo no destino.
Os resultados da enquisa, publicados en aberto na web da Mancomunidade, indican que preto da metade dos participantes considera os beneficios económicos como a principal achega do turismo ao territorio, por razóns de xeración de emprego e de ganancias para o comercio local, o sector gastronómico e o hostaleiro. Os motivos sociais e culturais son o segundo beneficio que lle ven ao turismo, xa que pensan que dinamiza os pobos, reporta riqueza cultural e fomenta o orgullo propio, ademais de que pode atraer xente cara ao interior da comarca e mesmo contribuír a fixar poboación. E xa a continuación, como outros dos beneficios do turismo, os participantes mencionan que axuda a promocionar a comarca e os seus produtos a nivel nacional e internacional; a mellorar as infraestruturas de comunicación e a hostalaría; e a poñer en valor o patrimonio.
Nesta liña, a enquisa tamén recolle que o 53% da poboación está de acordo en que os impactos positivos do turismo superan aos negativos. Un 21% amósase neutral ante esta afirmación e un 26% non comparte que os impactos positivos sexan superiores aos negativos.
Retos e ameazas
Como é natural, un sector tan transversal e complexo como o turístico plantexa tamén unha serie de problemáticas e desafíos no territorio, especialmente coñecidos pola poboación local. Así, consultados sobre as problemáticas derivadas da actividade turística na Mariña, o 35% dos participantes na enquisa consideran que as infraestruturas e os servizos públicos resultan insuficientes para atender á demanda dos visitantes. En concreto, apuntan cuestións tan concretas como o colapso das estradas e aparcadoiros; os problemas de abastecemento de auga e o tratamento das augas residuais; a saturación e contaminación nas praias; a xestión de residuos; e mesmo a sensación de “invasión” ou falta de respecto.
Outro 25% das persoas participantes sinalan directamente á masificación do destino, vinculada á súa alta estacionalidade, mentres que o 14% fai referencia aos efectos que o turismo causa na vivenda, como a escaseza de oferta, os prezos elevados ou as dificultades para alugar durante un ano completo. Outros problemas como a degradación do medio ou o maltrato á paisaxe son tamén preocupacións da cidadanía.
E plantexadas as problemáticas tamén se abordaron os retos de cara ao futuro. Neste punto, o reto máis sinalado polas persoas que participaron na enquisa foi o de mellorar e ampliar as infraestruturas, servizos públicos e transportes, que ocupou o 29% das respostas; seguido da consecución dun turismo sostible, eficaz, desestacionalizado, respectuoso e de calidade, que foi mencionado polo 21% dos participantes.
Mostra
Participaron nesta enquisa un total de 102 persoas, das cales o 89% non traballan no sector turístico. Excepto de Trabada e Ourol, recolléronse opinións de todos os concellos da Mariña, sendo Foz, Viveiro, Alfoz, Mondoñedo e Burela os que tiveron máis participación. Máis do 80% de participantes ten entre 26 e 65 anos; outro 12% son persoas de menos de 26 anos e os maiores de 65 anos representan o 7% das enquisas.
Este espazo de opinión continúa aberto para seguir a recoller achegas sobre este tema e coñecer a opinión da poboación local e dos axentes do sector sobre o turismo no territorio.
Enlace para acceder á información completa:
https://amarinalucense.gal/gl/a-marina-latexa-contigo
A campaña A Mariña latexa contigo e este espazo de participación cidadá enmárcanse no Plan de Sostibilidade Turística na Mariña Lucense, cofinanciado pola Secretaría de Estado de Turismo, a Axencia de Turismo de Galicia e a propia Mancomunidade.
Enlace para participar na enquisa:
https://forms.gle/ZXr9SeRS4DQo3EM96
O acto inaugural terá lugar no exterior da Casa do Concello ás 12.00 horas. O primeiro espectáculo será a proposta itinerante ‘Animacreques’ da Compañía Catropés. A xornada completarase coa representación ás 13:00 horas na Praza da Pulida de ‘Historias para escagharriñarse’, da Compañía Teatro Ghazafelhos. Posteriormente, ás 21:00 horas e no mesmo escenario, a Compañía Colectivo Glovo representará ‘Tríade e Alleo’.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
