Mondoñedo, 21 de maio, 2026. Este sábado celebrarase en Mondoñedo, no Salón de Plenos do Concello, o acto de entrega do II Premio Álvaro Cunqueiro de Novela a Luís Rei Núñez pola súa obra Elas dúas. O evento estará presidido polo alcalde Manuel Ángel Otero Legide e contará coa presenza de autoridades, membros da corporación, integrantes do xurado e representantes da Editorial Galaxia, responsable da publicación da novela gañadora.
O autor recibirá de mans do alcalde o diploma e a placa acreditativos, así como o primeiro exemplar publicado da obra.
O galardón foi concedido por unanimidade o pasado mes de decembro por un xurado formado por Ánxela Gracián, Rosalía Morlán, Marta Neira, Marcos Calveiro e Armando Requeixo, actuando como secretario con voz e sen voto Alberto García Fernández, concelleiro de Cultura de Mondoñedo.
A novela premiada, Elas dúas, destaca pola súa forza narrativa e pola capacidade de reconstruír con mestría a Pontevedra de mediados do século XX, onde se desenvolve unha apaixonante historia de amor entre dúas mulleres que desafían as convencións sociais da época. O xurado salientou o oficio narrativo impecable e o retrato humano que ofrece, no que amizade, formación, raíces familiares e amor configuran un mapa emocional de gran beleza e profundidade.
O xurado agradeceu tamén o apoio do Concello de Mondoñedo e da Casa Museo Álvaro Cunqueiro, así como da Secretaría Xeral da Lingua e da Editorial Galaxia, nun certame que contou con corenta orixinais presentados.
Luís Rei Núñez (A Coruña, 1958) é un dos autores e xornalistas galegos máis destacados das últimas décadas. Foi xefe da Sección de Cultura da TVG e é autor dunha ducia de novelas premiadas, entre elas Expediente Artieda, Toda a vida, O señor Lugrís e a negra sombra e Monte Louro. Con este novo recoñecemento, suma o Premio Álvaro Cunqueiro de Novela aos seus numerosos galardóns literarios.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A semifinal do Mundial poderá seguirse este martes ás 21.00 horas na Praza Maior.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
