Barreiros, 19 de xuño de 2026. A tenente de alcaldesa e concelleira socialista de Servizos Sociais de Barreiros, Carmen Veiga, destacou hoxe a boa acollida do programa ‘E para dixitalizarse Lugo’, impulsado pola Deputación Provincial de Lugo, que onte celebrou a entrega de diplomas ás persoas participantes.
Segundo explicou Veiga, esta iniciativa tiña como obxectivo reducir a fenda dixital no rural e facilitar o acceso da poboación ás novas tecnoloxías, achegando formación dixital á veciñanza de diferentes puntos do municipio.
Dende o PSdeG de Barreiros puxeron en valor o papel da concelleira socialista na promoción deste programa no municipio, enmarcado na liña de traballo que desenvolve á fronte dos Servizos Sociais para achegar recursos útiles á veciñanza, especialmente ás persoas maiores e á poboación das parroquias.
Durante os obradoiros, as persoas participantes recibiron formación práctica sobre o manexo dos teléfonos móbiles, o uso de aplicacións e a realización de xestións dixitais cotiás. A formación prestou especial atención ao uso seguro da banca electrónica, unha cuestión cada vez máis presente no día a día e que pode xerar dificultades entre a poboación con menos competencias dixitais.
Veiga subliñou que “non se trata só de aprender a usar un móbil, senón de gañar autonomía e seguridade para facer xestións básicas sen depender sempre doutras persoas”. Neste sentido, incidiu en que reducir a fenda dixital “tamén é defender a igualdade de oportunidades no rural”.
A concelleira socialista destacou ademais que a formación se impartiu en San Cosme, Celeiro de Mariñaos e San Xusto, o que permitiu achegar o programa a distintas zonas do municipio e facilitar a participación da veciñanza.
Dende o PSdeG agradeceron a colaboración das asociacións veciñais de Celeiro de Mariñaos e San Xusto, cuxa implicación foi fundamental para desenvolver os cursos nas súas respectivas contornas. “A colaboración co tecido asociativo é imprescindible para que os recursos cheguen a máis xente e para que as políticas públicas teñan impacto real nas parroquias”, sinalou Veiga.
A responsable socialista deu tamén os parabéns ás persoas participantes “polas ganas de seguir aprendendo” e defendeu a importancia de continuar impulsando iniciativas deste tipo en Barreiros. “O acceso ás novas tecnoloxías e a mellora das competencias dixitais son fundamentais no noso día a día para non quedar atrás, e dá gusto ver a tanta xente implicada en seguir formándose”, engadiu.
O PSdeG de Barreiros subliñou que “a boa acollida do programa reafirma a importancia de seguir promovendo formación continua, igualdade de oportunidades e recursos útiles para toda a veciñanza, independentemente da parroquia na que resida”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
