Ribadeo, 22 de xuño de 2026. Ribadeo mellora as vías secundarias. Estes días actúa en Remourelle.
O alcalde, Dani Vega, explicou que “seguimos xestionando orzamento ante a Xunta de Galicia e neste caso é para mellorar as vías secundarias, as pistas de concentración. Actuamos baixo dúas liñas. Primeiro, xestionando orzamento de motoniveladora, camión e pala para facer os traballos de limpeza, previos para despois botar a saburra, que tamén nos aporta a Xunta de Galicia. E segundo esixir responsabilidade ás empresas que traballan nesta zona, empresas forestais, empresas de servizos agrícolas que, dado o seu traballo, destrozan moitas pistas e teñen a obriga por ordenanza municipal de devolvelas ao estado no que as atoparon”.
O rexedor contou que “neste traballo estamos e neste caso estamos actuando en Remourelle, tamén coa colaboración da Xunta de Galicia e tamén esixíndolle a súa responsabilidade á Cooperativa Clun, como lle esiximos a outras empresas madeireiras, e creo que iso é o responsable e o coherente. Para iso ten que haber, evidentemente, unha planificación, detallar nun programa de traballo, que nós presentamos cando chegábamos ao goberno, Plan Avanza Rural que non só inviste en estradas principais actuando con aglomerado, senón tamén nas vías secundarias nas pistas de concentración, limpándoas como xa actuamos en todas as parroquias da costa e tamén en parroquias do interior e agora vamos seguir baixo esa planificación”.
Vega tivo palabras de agradecemento para a Xunta de Galicia: “agradecer á Xunta de Galicia o traballo que está facendo neste concello, firmando convenios e neste caso convenios moi importantes como son a mellora das nosas vías secundarias, pistas que serven e prestan moito labor a gandeiros, a agrícolas para acceder ás súas parcelas e tamén disfrutámoslas desde un punto de vista máis lúdico como pode ser paseando moita xente polas pistas tanto de parroquias do interior como da costa”.
O alcalde ribadense engadiu: “seguimos investindo, seguimos mellorando as nosas estradas, as nosas pistas secundarias, pistas de concentración, que levaban certamente moito tempo sen mellorar, sen investir diñeiro público sobre elas e xa tocaba. Polo tanto planificación, xestión e rigor á hora de traballar dende o Concello”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
