A liña 1 de axudas deste PERTE está destinada á actuación integral para a descarbonización, apoiando as actuacións levadas a cabo polas industrias nacionais para reducir as emisións de gases de efecto invernadoiro
Madrid, 24 de xuño, 2026. O Ministerio de Industria e Turismo, a través de SEPIDES, publicou a resolución de concesión de axudas de actuación integral para a descarbonización da industria manufacturera como parte do PERTE de descarbonización industrial, dentro do Plan de Recuperación, Transformación e Resiliencia no ano 2026. En total, adxudícanse 518 millóns de euros en subvencións a 17 proxectos.
Entre os sectores que recibiron axudas destacan a produción de aluminio (Aluminio Español en San Cibrao, con 40,4 millóns de euros), a fabricación de papel (Unión Industrial Papelera en Barcelona, con 38,1 millóns de euros) ou o sector químico (Evonik, con 30,1 millóns de euros).
O sector cementeiro recibiu un apoio especialmente destacado, concentrando máis de 300 millóns de euros. Sobresaen Cemex en Tarragona, con 200 millóns de euros, e Votorantim Cementos en León, con 119 millóns de euros.
A liña 1 de axudas deste PERTE está destinada á actuación integral para a descarbonización, apoiando as actuacións levadas a cabo polas industrias nacionais para reducir as emisións de gases de efecto invernadoiro.
O PERTE de descarbonización industrial, cun investimento público de 3.170 millóns de euros, permitirá mobilizar ata 11.800 millóns de euros de investimento total, incrementando a produtividade nun 10%, xerando 8.000 empregos e reducindo en 13 millóns de toneladas ao ano as emisións de CO₂ á atmosfera.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
