O incremento da poboación durante a época estival fai necesaria unha maior colaboración cidadá para manter as rúas limpas, evitar malos cheiros e garantir a salubridade dos espazos públicos
Burela, 25 de xuño de 2026. O Concello de Burela reforzará durante os meses de verán os labores de vixilancia e control relacionados coa xestión dos residuos, coincidindo co incremento considerable da poboación que experimenta o municipio durante a tempada estival.
A maior afluencia de residentes e visitantes provoca tamén un aumento do volume de lixo xerado. Por este motivo, o Concello utilizará todos os medios municipais ao seu alcance para comprobar o correcto depósito tanto dos residuos domésticos como dos enseres e obxectos voluminosos.
Desde o Goberno local lémbrase que non está permitido deixar bolsas de lixo, caixas, mobles ou calquera outro residuo na vía pública nin ao carón dos contedores. As bolsas deberán estar correctamente pechadas e depositarse no interior dos recipientes correspondentes. No caso de que un contedor estea cheo, deberase buscar outro próximo que dispoña de capacidade, evitando en todo momento abandonar o lixo no exterior.
Os residuos domésticos deberán depositarse nos contedores entre as 20.00 e as 00.00 horas, unha medida especialmente importante durante os meses de máis calor para reducir a aparición de malos cheiros, pragas e problemas de salubridade.
Servizo gratuíto para a recollida de enseres
O Concello recorda que a cidadanía dispón dun servizo gratuíto de recollida de enseres e residuos de gran volume, polo que non existe ningunha xustificación para abandonalos nas rúas ou xunto aos contedores.
Para solicitar a súa recollida é necesario contactar previamente no teléfono 626 763 142, en horario de 09.00 a 14.00 horas, de luns a venres. Estes residuos tamén poden trasladarse ao punto limpo municipal, aberto:
De luns a venres, de 16.30 a 20.30 horas.
Os sábados, de 09.00 a 13.00 horas.
Así mesmo, Burela conta cun servizo de recollida de papel e cartón porta a porta destinado aos grandes xeradores, que funciona de luns a sábado, entre as 11.00 e as 14.00 horas, co obxectivo de evitar a saturación dos contedores e a acumulación destes materiais na vía pública.
Controis e posibles sancións
O Concello incrementará os controis durante a época estival e, cando se detecten incumprimentos da ordenanza municipal de limpeza, iniciaranse os correspondentes expedientes sancionadores.
As sancións por depositar ou abandonar residuos de maneira incorrecta poden oscilar entre os 100 e os 3.000 euros, en función da gravidade da infracción.
Desde o Concello faise un chamamento á responsabilidade e á colaboración de residentes, establecementos comerciais e visitantes. Manter Burela limpa é unha tarefa compartida, especialmente durante unha época na que aumenta a utilización dos espazos públicos e dos servizos municipais.
“Contamos cun servizo gratuíto e con medios suficientes para xestionar correctamente os residuos. Pedimos que se respecten os horarios, que as bolsas se depositen pechadas dentro dos contedores e que se solicite a retirada dos enseres. O Concello reforzará os controis e actuará cando sexa necesario para protexer a limpeza, a convivencia e a imaxe de Burela”, sinala Ramiro Fernández, tenente de alcalde do Concello.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.