Ribadeo, 1 de xullo, 2026. Remata o curso e chega o momento de facer balance dunha actividade voluntaria que, un ano máis, reuniu alumnado e profesorado arredor da ciencia: o Club de Ciencia do IES de Ribadeo Dionisio Gamallo.
Ao longo do curso, arredor de 20 alumnos e alumnas, xunto co profesorado implicado —Andrés Rodríguez, Javier Rodríguez, Noemí Rego, Iván Varela, Ana Mosteirín e Susi Besteiro— dedicaron os luns do recreo de mediodía a experimentar, aprender e achegarse á ciencia dun modo práctico e divertido.
Durante o primeiro trimestre, o club elaborou figuras de tensegridade con paus de xeado, explorou as propiedades do xeo seco, realizou construcións magnéticas, engranaxes, xogos co Kapla e montaxes cos M-bot. Tras o Nadal, chegou a preparación para a Olimpíada de Enxeñaría de Camiños celebrada na Coruña: a Ponte da Vinci, o arco de dovelas, presas resistentes, optimización de transporte ou o uso de software de estruturas foron algunhas das probas que cada equipo repetiu e perfeccionou.
A continuación, o alumnado aprendeu a facer chapas e, coa cortadora láser e a impresora 3D, elaborou oloides imparables que levaron ao Día da Ciencia na Rúa, xunto con outros proxectos realizados en Proxecto Competencial e Tecnoloxía, como O picudo vermello, O pulmón de palomitas, A terapia con células CAR-T ou A importancia da rótula. Despois deste evento, aínda houbo tempo para imprimir un Megáfono Hiperbólico e para crear chapas co logo do club, que se repartiron entre os visitantes da XXXI Feira da Ciencia, na que os catro centros educativos de Ribadeo uniron esforzos para converter a vila nun auténtico faro científico.
Como colofón ao traballo realizado, o club celebrou unha pequena festa con xeados e repartiu entre os participantes gafas homologadas para observar con seguridade o eclipse do 12 de agosto.
Desde o IES de Ribadeo Dionisio Gamallo felicitan ao alumnado e ao profesorado participante por crear un espazo onde aprender e gozar coa ciencia, ao tempo que se fomentan as vocacións STEM e o interese polo ámbito científico-tecnolóxico.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
