Lugo, 3 de xullo, 2026. O conselleiro de Emprego, Comercio e Emigración, José González, e o Deputado de Formación, Ensino e Economía do Coñecemento, Miguel Fernández Méndez, participaron hoxe na X edición do Premio Peme do Ano Lugo 2026, organizado pola Cámara de Comercio de Lugo, a Cámara de Comercio de España e o Banco Santander. No acto, celebrado na Palloza, entregouse o galardón principal a Logística Reyco, empresa con sede en Foz e case 30 anos de traxectoria, destacada pola súa expansión internacional, a súa estabilidade comercial e a súa aposta pola creación de emprego.
González felicitou tamén aos catro accésits desta edición —Transmedia Comunicacións e Prensa, Zuri Investiments, Terras de San Martiño Pacios e Gestión Gratelu— así como á Mención Especial ao Legado Empresarial, que recaeu no Grupo El Progreso. O conselleiro recoñeceu ás pequenas e medianas empresas como columna vertebral da economía galega, xeradoras de riqueza, emprego de calidade e novas oportunidades para o territorio.
Na súa intervención, salientou a contribución das PEMES aos bos resultados do mercado laboral galego, que en xuño rexistrou 105.768 persoas paradas e 1.123.034 afiliacións á Seguridade Social, as mellores cifras desde que existen rexistros. Lugo destacou como a provincia cun maior descenso porcentual do paro respecto ao mes anterior (-4,70 %) e acadou 129.387 afiliacións, o mellor dato nun mes de xuño desde 2008.
O conselleiro reafirmou o compromiso da Xunta co tecido empresarial para acompañalo nos desafíos actuais, como a cobertura de vacantes, a atracción e retención de talento, o reforzo do benestar laboral e a redución do absentismo. Defendeu o papel da Administración como facilitadora, orientada a simplificar procedementos e a garantir que a remuda xeracional sexa unha oportunidade real para o futuro produtivo de Galicia.
Tamén puxo en valor a colaboración público-privada e o papel das cámaras de comercio como entidades clave na formación, na internacionalización e na mellora da competitividade empresarial.
Pola súa banda, o Deputado Miguel Fernández destacou que o Premio Peme do Ano permite “poñer rostro ás empresas que fan medrar a provincia”, e subliñou que o tecido empresarial lucense, composto nun 97 % por PEMES, é motor de desenvolvemento sostible e equilibrado.
En relación co emprendemento, González reivindicou a valentía das persoas autónomas e o seu papel como primeiro chanzo de moitas iniciativas empresariais. Lembrou que a Xunta destina 41 millóns de euros en 2026 á orde unificada de axudas ao colectivo e subliñou a importancia de impulsar unha cultura emprendedora ligada ao territorio. Neste marco, destacou o labor dos cinco Polos de emprendemento da provincia —Friol, Mondoñedo, Sarria, A Fonsagrada e Monforte de Lemos— que xa atenderon máis de 1.400 proxectos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.