O convenio aprobado polo Consello da Xunta permitirá acometer actuacións de conservación e modernización nun dos principais referentes culturais da cidade entre 2026 e 2027
Viveiro, 4 de agosto de 2026. O Concello de Viveiro valora moi positivamente a aprobación, no Consello da Xunta celebrado o pasado 3 de agosto, da sinatura dun convenio de colaboración entre a Consellería de Cultura, Lingua e Xuventude e o Concello para executar traballos de conservación e mantemento no Teatro Pastor Díaz, cun investimento total de 200.000 euros.
Grazas a este acordo será posible acometer unha serie de actuacións destinadas a preservar un dos espazos culturais máis emblemáticos de Viveiro, garantindo a súa conservación e mellorando as súas condicións para continuar ofrecendo unha programación cultural de calidade á veciñanza.
Os traballos permitirán actuar sobre distintos elementos do edificio para resolver as filtracións de auga na cuberta e nas fachadas, eliminar problemas de humidades, renovar sistemas de seguridade e modernizar parte das instalacións, ademais doutras actuacións de conservación e mellora previstas ao longo da execución do proxecto.
As obras desenvolveranse en dúas anualidades. Durante 2026 levaranse a cabo as actuacións máis urxentes para garantir a estanquidade do inmoble e preparar a intervención, mentres que en 2027 executarase a maior parte dos traballos, que incluirán a rehabilitación das fachadas, a mellora das instalacións eléctricas e da iluminación escénica, a renovación das portas de emerxencia e a restauración especializada dos lenzos artísticos do teatro.
A alcaldesa de Viveiro, Mariña Gueimunde, destacou que “esta é unha magnífica noticia para Viveiro e para a cultura. O Teatro Pastor Díaz é un edificio emblemático, cun enorme valor histórico, patrimonial e social, e este investimento permitirá garantir a súa conservación e seguir ofrecendo á veciñanza unhas instalacións modernas, seguras e á altura da intensa actividade cultural que acolle ao longo de todo o ano”.
A rexedora agradeceu tamén a colaboración da Xunta de Galicia para facer posible esta actuación. “A cooperación entre administracións é fundamental para sacar adiante proxectos desta envergadura. Este convenio supón un paso importante para preservar un dos espazos culturais máis queridos polos viveirenses e continuar fortalecendo a oferta cultural do noso municipio”, sinalou.
O Teatro Pastor Díaz constitúe desde hai décadas un dos principais referentes culturais de Viveiro, acollendo representacións teatrais, concertos, proxeccións, actos institucionais e numerosas actividades ao longo do ano. Con esta intervención, o Concello de Viveiro reafirma o seu compromiso coa conservación do patrimonio municipal e coa mellora continua das infraestruturas culturais ao servizo da cidadanía.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
