Abadín, 12 de agosto de 2026. O PSdeG de Abadín denuncia que o alcalde, José María Rancaño, negou no Pleno a existencia de informes sobre as plantas de biometano cando estes documentos xa foran elaborados polos propios servizos técnicos municipais.
O voceiro socialista de Abadín, Pablo Díaz, denunciou que no Pleno do pasado 19 de maio, Rancaño afirmou, en relación coa planta de Quende: “Veñen falar dunha planta en Quende sen expediente, sen informes e sen base técnica ningunha”. Porén, despois de que o PsdeG solicitase acceso á documentación, o alcalde recoñeceu por escrito que os informes foron elaborados polos servizos técnicos municipais. A pesar diso, decidiu non facilitar as copias e aprazar a súa entrega ata que remate o procedemento administrativo e a Xunta de Galicia resolva o expediente.
“É moi grave que o alcalde diga diante do Pleno que non existen informes cando si existen. Non estamos falando dunha opinión ou dunha interpretación: estamos falando de documentos elaborados polos propios servizos técnicos municipais”, reprochou.
Díaz considera que esta actuación supón “unha falta de transparencia inadmisible” e anuncia que presentará un recurso de reposición contra a decisión de aprazar a entrega da documentación. “Non imos permitir que se oculte información aos concelleiros nin aos veciños e veciñas de Abadín. Queremos saber que informes existen, que din e por que o alcalde afirmou no Pleno que non había ningún”, sinalan.
Os socialistas reclaman ao alcalde que facilite a documentación e dea explicacións públicas sobre esta contradición. “Abadín merece saber. O alcalde non pode dicir no Pleno que non existen informes e, cando llos pedimos, recoñecer que si existen e negarse a entregalos”, conclúe o voceiro socialista de Abadín.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
