Nota de prensa:
OS PUPILOS DE SUSO REY CLAUSURAN A PRIMEIRA VOLTA EN BRIHUEGA
Os pupilos de Suso Rey regresan á competición ligueira co comezo de 2011 en terras castelano-manchegas. Ata Guadalajara viaxou o Burela FS para clausurar mañá a primeira volta ante o Azulejos y Pavimentos Brihuega, décimo terceiro. O pavillón municipal Virgen de la Peña acollerá o encontro a partir das 19.00 horas.
Aínda que entre brihuegos e burelaos hai unha diferenza de 12 puntos, os da Mariña non deben subestimar o rival, moi forte na casa e ao que se lle dan moi ben os de arriba. Ata o momento, o cadro manchego só deixou escapar os puntos da súa pista nunha ocasión, ante o UPV Maristas Valencia (0-2); isto ocorreu na segunda xornada. Ademais, o Brihuega tampouco se deixa apoucar polos candidatos de play off; nas tres últimas xornadas puido empatar cos co-líderes (Ribera Navarra 3-3 e Puertollano 2-2) e co oitavo (Arcebansa Zamora 2-2) e antes soubo impoñerse ao sétimo (UCAM Murcia 8-5) e igualar ao terceiro (Colegios Arenas Gáldar 3-3).
Os efectivos laranxas veranse minguados para esta cita polas lesións. Á coñecida baixa de Minu, con molestias musculares, súmase a do xuvenil Manu, cunha contractura na coxa. Purao será dúbida ata última hora por un traumatismo de peroné, con posible fisura, sufrido no adestramento do mércores. Para Paleta, novo xogador do CD Rececende-Superti A Pontenova, este será o seu último encontro coa camiseta laranxa.
Coa táboa ben candente, a escuadra laranxa non pode relaxarse. A tres puntos písalle os talóns o Murcia, que recibe ao Extremadura Cáceres 2016 (décimo sexto). Por diante, o BP Andorra ocupa a quinta praza, a dous puntos dos burelistas, coa visita do Zamora (oitavo); e o Valencia ostenta a cuarta, coa próxima chegada do Barcelona (undécimo).
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
