A Mariña, 20 de agosto, 2026. A Orquestra Sinfónica do Principado de Asturias (OSPA) regresou este mércores 19 de agosto ao Festival Bal y Gay para ofrecer un concerto formidable nun dos espazos máis singulares da súa programación: a Catedral-Basílica da Asunción de Mondoñedo. A formación asturiana, consolidada ao longo de máis de tres décadas como unha das principais orquestras sinfónicas do Estado, reencontrouse co público do festival nun escenario onde música e patrimonio se integran nunha mesma experiencia.
O Festival Bal y Gay continúa este xoves 20 de agosto, ás 20:30 horas, coa chegada a A Mariña lucense de KamBrass, gañador da última edición de FestClásica e recoñecido como mellor ensemble emerxente FestClásica 2026. A actuación terá lugar no Museo e Fábrica de Sargadelos, en Cervo, un dos escenarios máis emblemáticos da historia do festival.
Terceira presenza este ano tras dúas actuacións previas de éxito
A presenza da OSPA no Bal y Gay é xa unha relación consolidada. A orquestra participou na edición de 2024 cun concerto na propia Catedral de Mondoñedo, daquela con obras de Coll, Mozart e Dvořák, baixo a dirección de Nuno Coelho e coa flautista Clara Andrada como solista. En 2025 regresou ao festival para compartir xornada co Cuarteto Quiroga en Ribadeo, cun programa dedicado a Mozart, Haydn e Beethoven. A súa volta a Mondoñedo confirma unha colaboración que se converteu nunha das alianzas sinfónicas máis destacadas do festival.
Con sede no Auditorio Príncipe Felipe de Oviedo, a OSPA desenvolveu unha intensa actividade dentro e fóra de Asturias, construíndo unha traxectoria marcada pola versatilidade, a calidade interpretativa e a excelencia artística. Ao longo de máis de tres décadas traballou con directores e solistas de referencia, participou en importantes festivais nacionais e internacionais e realizou xiras por países como México, Chile, Francia, China ou Estados Unidos.
Nesta nova visita ao Bal y Gay, a orquestra abordou un programa articulado arredor de dúas obras que permiten explorar dúas formas moi distintas de evocación musical. O concerto abriu coa Obertura das Hébridas, op. 26, de Felix Mendelssohn, tamén coñecida como A gruta de Fingal. A obra naceu da impresión que lle causou ao compositor a paisaxe das costas escocesas e transforma esa experiencia nunha partitura de gran forza evocadora, na que a orquestra recrea en son o movemento do mar e a atmosfera do lugar.
A continuación, a Sinfonía n.º 2 en re maior, op. 36, de Ludwig van Beethoven, trasladou o discurso desde a paisaxe exterior cara ao impulso vital dunha das primeiras grandes obras sinfónicas de madurez do compositor. Trátase dunha partitura luminosa, expansiva e chea de enerxía, na que a herdanza clásica convive cunha crecente liberdade expresiva.
Á fronte da OSPA estivo Miguel Sepúlveda, un dos directores novos con maior proxección internacional da súa xeración. Gañador en 2025 do Concurso Internacional de Dirección de Orquestra de Rotterdam, Sepúlveda traballou con formacións como a BBC Philharmonic, a BBC Scottish Symphony Orchestra, Manchester Camerata e a Orquestra Sinfónica do Porto. Tamén foi Runnicles Fellow da Dresdner Philharmonie e Dudamel Fellow da Los Angeles Philharmonic.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
