O delegado territorial en Lugo visitou en Xove a canteira de Prebetong Áridos, beneficiaria destas achegas na pasada convocatoria, e lembrou que o prazo de solicitudes está aberto ata o próximo luns
Xove, 20 de agosto de 2026. O delegado territorial da Xunta en Lugo, Alfonso Villares, animou hoxe ás empresas do sector dos recursos naturais a aproveitar as axudas do Goberno galego “para avanzar cara a unha actividade máis sustentable e segura”. Así o fixo durante a visita que realizou á canteira de Prebetong Áridos en Xove, onde lembrou que o prazo para presentar as solicitudes permanecerá aberto ata o próximo 24 de agosto.
Villares destacou que estas achegas, que se outorgan por concorrencia competitiva, permiten ás empresas acometer investimentos orientados a mellorar a protección ambiental, a seguridade e a saúde laboral, reducir a exposición ao po no sector da rocha ornamental, adquirir equipamentos de eficiencia enerxética ou realizar procesos de certificación, entre outras actuacións.
A nova convocatoria, impulsada pola Consellería de Economía e Industria, conta cunha dotación de 2,5 millóns de euros e diríxese a empresas privadas do sector dos recursos naturais que desenvolvan a súa actividade ou conten con algún centro de traballo en Galicia. As axudas oscilan entre os 3.000 e os 150.000 euros.
O delegado territorial lembrou que Prebetong Áridos foi unha das empresas beneficiarias destes apoios na pasada convocatoria, o que lle permitiu ampliar o sistema de pulverización na súa planta para mellorar o control das emisións de po.
Villares puxo en valor este tipo de actuacións como “exemplo tamén do compromiso do sector mineiro coa incorporación de melloras que contribúen a avanzar cara a unha actividade máis sustentable e competitiva, e que achegan maior seguridade aos traballadores” e animou ás empresas a aproveitar os últimos días de prazo para presentar as súas solicitudes.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
