A iniciativa busca promover o consumo tanto das especies máis coñecidas como doutras menos habituais, con grandes posibilidades nutricionais e gastronómicas
Sada (A Coruña), 21 de agosto de 2026. A directora xeral de Desenvolvemento Pesqueiro, Ángeles V. Suárez, participou na lonxa de Sada na presentación da campaña Saborear o cerco con peixe de Acerga, unha iniciativa da Organización de Produtores de Pesca de Cerco de Galicia (OPP-82 Acerga) que busca poñer en valor a diversidade dos produtos capturados pola frota de cerco, promover o seu consumo e dar a coñecer as súas posibilidades gastronómicas.
A flota de cerco galega captura máis de 50 especies diferentes, o que pon de manifesto a diversidade dos produtos que chegan ás lonxas galegas. A campaña pretende achegar á cidadanía tanto especies amplamente coñecidas, como a sardiña, o xurelo ou a xarda, como outras menos habituais no consumo diario pero que presentan importantes calidades nutricionais e gastronómicas, entre elas a boga, a agulla, o sargo ou a chopa, contribuíndo así a ampliar o coñecemento e as posibilidades de consumo dos produtos da pesca galega.
A iniciativa pon tamén o foco no valor nutricional destas especies, ricas en proteínas de alta calidade e ácidos graxos omega-3, así como na súa versatilidade na cociña. A través de elaboracións tradicionais e propostas máis innovadoras, Saborear o cerco con peixe de Acerga pretende fomentar o consumo interno e poñer en valor un produto fresco, de proximidade e estreitamente ligado á tradición mariñeira de Galicia.
Durante a presentación, a directora xeral salientou que a pesca de cerco constitúe “unha das artes máis representativas da nosa tradición mariñeira”, e destacou a importancia de que a sociedade coñeza as propiedades dos produtos obtidos mediante esta modalidade de pesca.
Xerar valor engadido no sector
Ángeles V. Suárez puxo en valor o traballo desenvolvido por Acerga e a importancia da colaboración entre o sector e a Administración para impulsar iniciativas de promoción e valorización dos produtos do mar. “Este tipo de iniciativas son, sen dúbida, un exemplo de como o traballo conxunto entre os produtores e a Administración pode xerar valor engadido para todo o sector”, sinalou.
A responsable autonómica reiterou a compromiso da Consellería do Mar coa modernización, a sustentabilidade e a promoción da frota de cerco galega, así como coas familias mariñeiras que, xeración tras xeración, manteñen viva esta actividade e contribúen á vertebración social e económica do litoral.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
