El Franco, 27 de agosto, 2026. El Franco mellora o seu sistema de saneamento coa renovación de seis estacións de bombeo, nunha actuación impulsada pola Consejería de Movilidad, Medio Ambiente y Gestión de Emergencias do Principado de Asturias. O investimento, xa finalizado, ascende a 743.087 euros e permitiu modernizar seis das oito estacións que integran o sistema municipal de saneamento e depuración.
As intervencións afectaron ás instalacións de Mernes, San Polayo/San Pelayo, El Pividal, Porcía, Llóngara e Arboces, actuando sobre infraestruturas clave para o correcto funcionamento do ciclo da auga. O Concello de El Franco destaca que non se trata só de substituír equipamentos, senón de incorporar tecnoloxía que mellora o control, a seguridade e a capacidade de resposta ante incidencias.
Os traballos incluíron a renovación das instalacións eléctricas, dos sistemas de protección, maniobra e control, así como a corrección de deficiencias detectadas nas inspeccións. Tamén se modernizou o alumado e os sistemas de seguridade.
Unha das melloras máis relevantes é a implantación de novos sistemas de automatización, telecontrol e comunicacións, que conectan as estacións ao sistema SCADA, permitindo supervisar en tempo real o funcionamento dos bombeos e dispoñer de información precisa sobre o estado das instalacións.
A actuación abrangueu tamén elementos hidráulicos e mecánicos, coa renovación de tubos guía, colectores de impulsión, escaleiras de acceso, tapas e cestas de sólidos. Ademais, reparáronse equipos de elevación, impermeabilizáronse cámaras e estruturas e instalouse nova instrumentación para medir parámetros como caudal, presión ou nivel.
A ampliación da EDAR, o seguinte paso
A mellora do saneamento continuará coa ampliación da Estación Depuradora de Augas Residuais (EDAR) de El Franco, para a que o Principado destina 120.974 euros destinados á redacción do proxecto. Este documento definirá as actuacións necesarias para adaptar a depuradora aos caudais actuais e ás novas esixencias normativas en materia de calidade das augas.
Entre as solucións previstas figuran a mellora do bombeo de cabeceira, a optimización do tratamento biolóxico, a ampliación da decantación e o redimensionamento de equipos e instalacións. A futura intervención contemplará tamén a digitalización da planta.
Para o Concello de El Franco, ambas actuacións responden a unha prioridade común: dispor de infraestruturas de saneamento dimensionadas, seguras e preparadas para as necesidades presentes e futuras do municipio. A modernización do sistema supón, ademais, unha mellora directamente vinculada á protección ambiental nun territorio onde os cursos de auga e o litoral forman parte esencial do seu patrimonio natural.
O consistorio subliña a importancia de manter a cooperación institucional co Principado para seguir renovando infraestruturas básicas que, aínda que moitas veces non son visibles, resultan imprescindibles para a calidade dos servizos públicos e para o coidado do entorno de El Franco.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
