Reprocha aos representantes populares no Congreso o seu rexeitamento á protección fronte aos desafiuzamentos, á prórroga dos contratos de alugueiro e ás medidas para frear a especulación
Madrid, 2 de outubro de 2026. A deputada socialista por Lugo no Congreso, Patricia Otero, esixiu aos tres deputados do PP pola provincia que dean a cara ante a cidadanía e expliquen por que votaron en contra dos decretos de vivenda. Otero denunciou que os representantes populares “deron as costas a medidas que benefician directamente a milleiros de familias lucenses” e reclamoulles que asuman a responsabilidade do seu voto ante as persoas ás que representan.
A parlamentaria socialista lembrou que estas medidas buscan responder ás dificultades de acceso á vivenda, ofrecer maior estabilidade ás persoas que viven de alugueiro e protexer os fogares máis vulnerables fronte aos desafiuzamentos. Por iso, cuestionou que os deputados populares rexeiten estas respostas nun contexto no que atopar unha vivenda a un prezo asumible constitúe un grave problema para tantas familias.
“Deberán explicarlles ás veciñas e veciños de Lugo por que están orgullosos de votar en contra da protección fronte aos desafiuzamentos, da prohibición da compra especulativa por parte de fondos voitre, da prórroga dos contratos de alugueiro ou da regulación do alugueiro de temporada e de habitacións”, denunciou.
Otero subliñou que detrás destas medidas están as necesidades de persoas que precisan acceder á súa primeira vivenda, continuar na casa na que viven ou contar con protección ante o risco de perder o seu fogar. Neste sentido, reprochou aos representantes do PP que dean as costas a unha realidade que tamén afecta á provincia de Lugo.
A deputada socialista cuestionou, ademais, as prioridades que reflicten o voto dos populares. “Por que se sitúan ao lado dos intereses especulativos e non das familias que necesitan unha vivenda? A cidadanía de Lugo merece saber por que os seus representantes rexeitan medidas para poñer freo á especulación”, manifestou.
Finalmente, reclamou aos deputados do PP que respondan ante a cidadanía lucense polas súas decisións no Congreso. “Que lles expliquen ás familias de Lugo por que lles negan protección mentres se poñen ao lado dos fondos voitre. Votar en contra destas medidas é deixar sen resposta a quen non pode pagar un alugueiro ou corre o risco de perder o seu fogar. Así demostran a súa falta de empatía e de sensibilidade”, concluíu.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
