A Secretaría Xeral da Igualdade aumentou o orzamento destas axudas nun 27%
Igualdade publica no DOG a convocatoria de axudas económicas as mulleres vítimas de violencia cun orzamento de máis de 2 millóns de euros
*
A convocatoria deste ano realizase por primeira vez en xaneiro e as mulleres vítimas poderán solicitar esta axuda desde maña ata o próximo 31 de outubro e a Secretaría Xeral da Igualdade, tal como aconteceu en 2010, comprométese a atender as solicitudes en prazo e non xerar retrasos
Santiago, 19 de Xaneiro de 2011.- O Diario Oficial de Galicia (DOG) publica hoxe a resolución da convocatoria de axudas periódicas de apoio a mulleres que sofren violencia de xénero para o bienio 2011-2012, que conta cun orzamento de 2.090.000 euros, un 27% máis que na convocatoria anterior.
Nesta resolución establécense as bases da convocatoria das axudas económicas de carácter periódico de apoio ás mulleres que sofren violencia de xénero establecidas no artigo 39 da Lei 11/2007, do 27 de xullo, galega para a prevención e o tratamento integral da violencia de xénero.
Estas axudas, coñecidas como Salario da Liberdade, concédense durante un máximo de 12 meses e poderán beneficiarse delas as mulleres vítimas de violencia de xénero que residan na Comunidade Autónoma de Galicia e carezan de recursos económicos.
O obxectivo das mesmas é garantir ás mulleres vítimas de violencia de xénero unhas condicións suficientes de independencia económica respecto do agresor, que lles posibiliten dar o primeiro paso ou consolidar a ruptura cunha situación na que corren perigo. Por iso, a pesar da austeridade orzamentaria, o goberno galego aumentou o orzamento destas axudas nun 27% respecto a 2010 e un 32% respecto ao 2009.
O orzamento desta nova convocatoria é de 2.090.000 euros, e este crédito poderá ser ampliado se a demanda obriga a elo. Ademais, a convocatoria deste ano presenta unha novidade respecto ás anteriores. Ata agora o límite de ingresos para acceder a esta axuda estaba no triplo do Indicador Público de Renda de Efectos Múltiples (IPREM), pero neste ano 2011, dada a situación económica actual e a contía do Salario Mínimo Interprofesional (SMI), considérase prioritario apoiar economicamente ao maior número posible de mulleres en situación de violencia de xénero, polo que o límite de ingresos se sitúa en 1,5 veces o IPREM (798,76 €), o que permitirá atender un número substancialmente maior de solicitudes procedentes de mulleres con maiores dificultades económicas.
Para poder ser beneficiaria desta axuda é preciso ser vítima de violencia de xénero acreditada, ter cesado a convivencia co agresor, estar empadroada e residir en Galicia, e no caso de mulleres estranxeiras, ter permiso de residencia, ter ingresos mensuais iguais ou inferiores a 1,5 veces o IPREM vixente (798,76 €) e non recibir outra axudas concedidas polas administracións públicas para estes fins.
O prazo de presentación de solicitudes comeza mañá, xoves, e rematará o 31 de outubro. A Secretaría Xeral da Igualdade, tal como se fixo na convocatoria anterior, comprométese a atender e resolver todas as solicitudes en prazo, sen as demoras que foron habituais nos primeiros anos de concesión desta axuda, o cal redundará nunha correcta atención ás mulleres vítimas de violencia de xénero necesitadas do apoio económico da administración autonómica
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
