Nota de prensa
O BNG DE FOZ INSTA Á XUNTA E AO CONCELLO A POÑERSE DE ACORDO NA ATENCIÓN ÁS PERSOAS DISCAPACITADAS
Basanta declara “que non é xusto que paguen as persoas discapacitadas e as súas familias os desencontros entre o PP e o PSOE locais”
Foz a 4 de febreiro de 2010.- O BNG de Foz pídelle á Consellaría de Benestar da Xunta de Galiza e ao Concello de Foz que se poñan de acordo para dar unha atención adecuada ás persoas discapacitadas do Concello e deixen as súas liortas partidistas a un lado.
O pasado mes de novembro anunciouse por parte do PP de Foz que a Consellaría de Benestar da Xunta de Galiza decidira ceder o local que ten na Casa do Mar para uso da Asociación Virxe do Carme de Foz de persoas discapacitadas. Pasados máis de dous meses, desde o BNG instamos pois á Xunta que executen canto antes e sen demora esta decisión que consideramos acertada e que non se converta nunha promesa electoral incumprida.
Así mesmo, no mesmo mes e a raíz desta noticia, o alcalde de Foz e a Delegada de Asuntos Sociais daban a entender que se desentendían da atención que ata o momento o Concello lle estaba prestando a estas persoas e lle traspasaba á Xunta a responsabilidade, tanto no que respectaba ao local como ao persoal que ata ese momento pagaba o Concello. Desde o 18 de xaneiro deste ano, data na que acababa o contrato dun mestre-pedagogo que atendía a estas persoas, non hai ningunha persoa cualificada para atender aos discapacitados, sen que a Xunta nin o Concello fixeran nada para cubrir inmediatamente esta praza. Por iso non entendemos que dentro do Plan Lugo Emprega da Deputación, onde se ofertan 29 postos de traballo, non se contemplase ningunha praza para cubrir a dun mestre en educación especial para este colectivo mentres a Xunta non se faga cargo do mesmo, o que da a entender o desinterese que existe cara a este colectivo.
Desde o BNG vemos moi grave que se poida estar utilizando dunha maneira meramente electoralista ao colectivo de discapacitados, tanto por parte do PP como do PSOE locais. Por iso, solicitamos con urxencia que a Xunta por un lado e o Concello por outro se poñan de acordo en cubrir as necesidades reais do colectivo de discapacitados do Concello, poñendo un local á súa disposición urxentemente así como contratando a persoas cualificadas que as atendan de forma permanente.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
