Nota de prensa:
O DISPOSITIVO POSTO EN MARCHA POLA XUNTA PARA O MANTEMENTO DA REDE DE ESTRADAS DISTRIBÚE 170 TONELADAS DE FUNDENTES PARA DEIXAR ABERTAS TODAS AS VÍAS DA SÚA COMPETENCIA NA PROVINCIA
* Un equipo de case 70 operarios e 13 máquinas quitaneves traballaron nas últimas horas para manter as condicións de vialidade nas estradas de titularidade autonómica en Lugo
* A alerta laranxa no mar obrigou a manter amarrada a toda a flota de baixura da comarca da Mariña, onde se rexistraron ventos cercanos aos 80 quilómetros por hora
Lugo, 17 de febreiro de 2011.- A Xunta distribuíu nas últimas horas 170 toneladas de fundentes e sal para manter abertas ao tráfico as vías provincias da súa competencia. Un equipo formado por preto de 70 operarios, traballou de xeito continuo durante a madrugada e as primeiras horas da mañá nos labores de limpeza e mantemento de estradas.
13 máquinas percorreron a estradas para retirar a neve que se acumulaba na calzada bloqueando o paso de vehículos. O xeo tamén complicou as condicións do tráfico en numerosos puntos. Dende o pasado martes, cando se produciu o brusco descenso das temperaturas, os camións de distribución levan estendido arredor de 400 toneladas de fundentes nas vías autonómicas de Lugo.
Despois dunha noite difícil para a circulación nas zonas de montaña, a primeiras horas de esta mañá só permanecían restrinxidas ao tráfico pesado tramos localizados das estradas LU-633 e LU-637 nos municipios de Pedrafita e Triacastela.
Polo que respecta á zona costeira, as choivas e o vento complicaron a situación na Mariña, onde se rexistraron rachas de ata 80 quilómetros por hora. A esta horas non se ten constancia de incidentes na costa lucense, onde a práctica totalidade da flota de baixura está amarrada.
O dispositivo posto en marcha pola Xunta de Galicia, a través da Consellería de Medio Ambiente, Territorio e Infraestruturas no operativo especial de inverno de conservación e limpeza das estradas lucenses, supón un investimento de preto de un millón de euros.
As cifras da presente campaña revelan tamén que o plan alcanza á totalidade da rede viaria da Xunta na provincia, isto é, 1.500 quilómetros. Dúas empresas cobren este servizo, incluído nos respectivos contratos de conservación integral, para o que dispoñen, ademáis das 13 máquinas quitaneves referidas, de 11 silos estratéxicamente distribuídos.
Os silos de sal están situados no Corgo, Pedrafita, Xermade, A Pastoriza, Quiroga, Begonte, Castroverde, Chantada, O Incio e na Fonsagrada (2). Con este reparto, preténdese gañar en operatividade, chegando canto antes aos puntos que presenten dificultade para o tráfico, pero tamén procurar a eficiente distribución do material. A meirande parte dos silos teñen capacidade para 60 toneladas de sal, aínda que algúns poden acoller ata 100 toneladas.
A clínica focense comprométese coa entidade laranxa e segue garantizándonos o bo estado de saúde dos nosos dous planteis.
Na reunión tratáronse as principais necesidades do municipio e exploráronse posibles vías de colaboración desde a Xunta para levar a cabo iniciativas conxuntas, no marco do compromiso do Goberno galego co eido local.
Xunto aos asistentes estiveron o alcalde, Dani Vega, e a concelleira de Benestar Social, Elena Sierra, que lles agradeceron que escolleran a vila ribadense para a celebración deste encontro.
Á tarde foi a sesión regato nas Escolas vellas de Cervo da man de Caxoto coa colaboración de Tarabela Creativa e Airiños do Xunco. Pola noite foi a quenda da sesión Río para público adulto no local Social da asociación de veciños do Burgo de Trasbar da man de Dani Blanco.
Félix Jorquera entrevistou ao alcalde, Fran Cajoto; ao concelleiro de Relacións Institucionais, Comunicación e Coordinación de Axenda 2030, Carlos García; os presidentes do CB Celtas de Foz e do CD Foz, Carmen Alonso e Asier Burundarena; e á dona da cafetería Marexada, Palmira Andrade. Con eles fixo un balance do verán, que está a piques de rematar, e que foi moi positivo para Foz, segundo subliñaron os participantes, analizou os proxectos para os vindeiros meses e pulsou o deporte local.
Convida a retomar unha vida activa tras o verán facilitando a inscrición con matrícula gratuíta e, para os máis indecisos unha proba de 3 días gratis para coñecer o centro deportivo e os seus servizos.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
