Nota de prensa
A Deputación recupera oficialmente TOR e salda odas as débedas herdadas dos anteriores patronos
– Segundo o informe realizado, o valor da liquidación supera os 2,4 millóns de euros, dos que 2,3 corresponden ó valor patrimonial da pradera e do monte que retornan ó organismo provincial e, o resto, ós gastos que asumiu a Fundación pola liquidación definitiva
– Gómez Besteiro presidiu a derradeira reunión do Padroado que supón o último paso para poder extinguir definitivamente esta entidade, a pesar de que unha vez máis non asistiu o Conselleiro de Medio Rural
– Co acordo o organismo provincial pon fin ó despilfarro protagonizado polos anteriores Patróns e “hoxe a Fundación non ten débedas. Está todo ó día”
– Liquidada a Fundación, a Deputación desenvolverá o plan de viabilidade deseñado no seu momento para o Centro de TOR “para conseguir un mellor aproveitamento desta finca que é patrimonio de todos”
O Presidente da Deputación, José Ramón Gómez Besteiro, presidiu este martes a derradeira reunión do Padroado da Fundación do Centro Superior Cinexético e Piscícola de Galicia na que se aprobou a liquidación económica desta entidade, que lle permite ó organismo provincial extinguir definitivamente esta Fundación e recuperar oficialmente a titularidade de TOR. Neste senso, tal e como subliñou Besteiro, as 200 hectáreas nas que se sitúa o Centro que ocupa unha superficie de máis de 200 metros cadrados pasan a ser do organismo provincial.
Deste xeito, segundo o informe realizado, o valor da liquidación cífrase en 2.411.762 euros, dos que 2.343.925 corresponden ó valor patrimonial da pradera e do monte de TOR. O resto, 71.500 euros, corresponden ós gastos que asumiu a Fundación pola liquidación definitiva, que incluíu a extinción dos contratos dos 4 traballadores, que prestaban o seu servizo no Centro. A decisión, adoptada por ambas as dúas administracións, foilles comunicada por escrito ós traballadores o día 1 de abril. Neste senso, o titular provincial subliñou que “é unha boa noticia pola cal comezamos a traballar dende hai dous anos para restituir a propiedade de TOR a quen é o seu verdadeiro e único propietario que é a provincia de Lugo, a través da Deputación. Por tanto, a partir de agora se fará a escritura pública para regularizar os asentos rexistrais para que todo figure a nome do organismo provincial, de onde nunca debeu sair. Por tanto, c´est fini á Fundación TOR. A partir de aquí traballaremos para poñer en valor algo que é patrimonio de todos. Foi unha boa xestión”.
“Hoxe TOR non ten débedas”
Co acordo, co que o organismo provincial pon fin ó despilfarro protagonizado polos anteriores Patronos, de tal xeito que “hoxe TOR non ten débedas. É máis, dende que asumimos a Presidencia do Padroado, non pagamos nin unha soa dieta, quilometraxes, comida nin cafés. Ademais, pagamos todo o que se lle debía ós proveedores da zona, uns 72.000 euros. É dicir, todo está ó día”.
O pasado 15 de febreiro os dous membros do Protectorado, Deputación e Xunta de Galicia, iniciaron o proceso de liquidación para dar de baixa esta entidade no Rexistro de Fundacións. Cumprindo co regulamento de Fundacións de Interese Galego, a Deputación trasladou de xeito inmediato este acordo á administración autonómica para que tamén fose ratificado pola Consellería de Medio Rural. O 8 de marzo a Xunta publicou no Diario Oficial de Galicia esta ratificación, o que permitiu convocar hoxe a última e sexta reunión, que supón o último paso que quedaba para extinguir definitivamente TOR. Nesta ocasión tampouco se contou coa presenza do Conselleiro de Medio Rural, Samuel Juarez, de tal xeito que a do 30 de abril de 2010, foi a única vez que o responsable autonómico participou nunha xuntanza dende que o novo Padroado tomou posesión. Quenes sí participaron foron, ademais do Presidente, o Vicepresidente Primeiro, Antón Bao, os Deputados de Urbanismo e Gandeiría, Miguel Ángel Sotuela e José María Arias, o Secretario da Fundación, José Mourelle Cillero, e o Xefe Territorial da Consellería de Medio Rural, Ramón Carballo.
Liquidada a Fundación, o Presidente explicou que se poderá comezar a desenvolver o plan de viabilidade que o organismo provincial deseñou no seu momento para o Centro Cinexético e Piscícola de Galicia e para conseguir un mellor aproveitamento desta finca. Neste senso, unha das actuacións máis inmediatas que se levarán a cabo será a reforestación dos terreos.
Historia da Fundación
A Deputación, gobernada polo Partido Popular, creou en 2003 esta Fundación, que estaba constituída pola Consellería de Medio Ambiente, dirixida naquel momento por José Manuel Barreiro. Supostamente, tiña como obxectivo a protección da fauna e da flora e a potenciación do medio ambiente, pero dende a chegada do actual equipo de goberno, detectouse que non só nunca cumpriu estas funcións, senón que os anteriores patronos cometeron numerosas irregularidades que foron denunciadas perante a Xustiza, e que están pendentes de estar resoltas polo Xulgado Número 2 de Lugo. Foi o caso da desaparición de fondos sen xustificar, do inicio de embargo e da tala masiva levada a cabo no pinar e no bosque. Segundo un informe pericial do Colexio Oficial de Enxeñeiros Técnicos de Galicia os danos e prexuízos ocasionados pola tala masiva, que se levou a cabo na finca, suman 1.058.000 euros e tardarían máis de dúas décadas en rexenerarse.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
