Nota de prensa:
Deputación e Concello apoian a difusión do traballo dos artesáns e anticuarios da Pontenova a través dun mercado
– O feiral celebrarase venres e sábado na Casa da Cultura, e reunirá a unha vintena de profesionais do municipio pontenovés, do resto de Galicia e de Asturias
– Lara Méndez visitará mañá o feiral, coincidindo coa homenaxe que a organización lle renderá a catro veteranos artesáns da localidade: José María Señor Fernández, José Trashorras Tojal, Alfredo Castaño Fernández e Manuel Marqués Díaz
– A exposición e venta de produtos compleméntase cunhas xornadas gastronómicas dedicadas á troita e ó salmón, nas que participarán 13 bares e restaurantes
A Deputación de Lugo prestou a súa colaboración ó Concello da Pontenova para a organización do Mercado de Artesanía e Antigüidades que se celebrará este venres e sábado na Casa da Cultura da vila, co obxectivo de difundir ó exterior o traballo dos profesionais pontenoveses destes sectores, aproveitando a maior afluencia de visitantes con motivo da Semana Santa. A Vicepresidenta Segunda do organismo provincial, Lara Méndez, visitará mañá a mostra coincidindo coa homenaxe que a organización lle renderá a catro veteranos artesáns da localidade: José María Señor Fernández, José Trashorras Tojal, Alfredo Castaño Fernández e Manuel Marqués Díaz, que levan toda vida dedicándose a elaborar tallas de madeira e instrumentos musicais e que aínda hoxe manteñen certa actividade. Os homenaxeados recibirán como agasallo unha réplica dos típicos fornos da Pontenova.
Lara Méndez destaca que o apoio da Deputación a esta cita enmárcase na aposta do organismo por potenciar unha actividade “moitas veces esquecida polas administración e que, sen embargo, é un nicho de emprego e un sector importante para o futuro económico da provincia”. Méndez deu os seus parabéns ós promotores da iniciativa e animou a continuar celebrándoa nos próximos anos.
No mercado participarán unha vintena de profesionais do propio municipio pontenovés, pero tamén procedentes da capital lucense, de Ourense, A Coruña, Taramundi, Xixón e León. O horario no que se poderá visitar a exposición será de 10:00 a 14:00 e de 16:00 a 21:00, tanto o venres como o sábado.
Xunto co Concello, ocupáronse de organizar o evento a Asociación de Artesáns da Pontenova e o colectivo deportivo cultural Os Fornos. Esta feira é a primeira de artesanía e antigüidades que se celebra na vila mariñana nestas datas e organizouse como complemento á que acolle a localidade cada mes dende agosto dende hai catro anos co fin de potenciar a difusión do sector artesán e de antigüidades da Pontenova, que ten unha gran tradición no municipio e un destacado peso na economía local.
Co obxectivo de atraer ó maior número de visitantes, as entidades que idearon a feira prepararon de xeito paralelo unhas xornadas gastronómicas dedicadas a dous dos produtos típicos da zona, como son a troita e o salmón. Participarán os seguintes 13 bares e restaurantes: Navia, Lennon, Casa da Cultura, Esquina, Río Eo, Puente, Montes, Barreiros, San Briz, A Estación, Albino, Mesón A Mina e Mesón Sarredo.
Aulas móbiles de natureza
Coincidindo co Mercado de Artesanía e Antigüidades, a Deputación levará á Pontenova as súas aulas móbiles de interpretación da natureza, que están a percorrer a provincia co fin de poñer en valor os recursos naturais e paisaxísticos dos municipios pertencentes ás tres Reservas da Biosfera de Lugo (Terras do Miño, Os Ancares e Río Eo-Oscos-Terras de Burón) e a Serra do Courel, ademais de concienciar a nenos e maiores do necesario coidado do medio ambiente. As aulas estarán dentro da Casa da Cultura e o seu horario de apertura coincide co do mercado: de 10:00 a 14:00 e de 16:00 a 21:00.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
