NOTA DE PRENSA
O PP burelés apoia a organización municipal proposta por Barcia.
Considera necesaria e importante a rebaixa anual de máis de sete mil euros efectuada sobre o total das retribucións dos cargos políticos.
O PP pídelle á oposición que se comporte con lealdade e que respecten as reglas do xogo democrático.
Burela, 25 de xuño de 2011.- O Partido Popular de Burela trasladou hoxe á opinión pública o seu absoluto apoio á organización da corporación municipal, distribución de tarefas, temporalización de plenos, etc., que vén de fixar o equipo de goberno que lidera González Barcia.
Os populares consideran axeitada tal distribución por varias causas: o PP xa dixo hai catro anos que fixar plenos cada mes podería conducir a plenos vacíos de contido e gasto innecesario, como así aconteceu, polo que se considera correcto que haxa un pleno ordinario cada dous meses. Por outra banda, mantéñense as comisións informativas existentes, xustamente para darlle cabida ás opinións da oposición, ainda que resulta sorprendente que agora a portavoz do Grupo Mixto e o portavoz socialista soliciten celeridade na reunión da comisión de seguemento do PXOM, cando eles paralizaron esta comisión. Ademais, o PP mantén conxeladas as asignacións por asistencia a plenos e comisións, e baixa a asignación ós grupos políticos, eso sí, coa oposición do Grupo Mixto, que pedía que se mantiveran, cando resulta que ó mesmo tempo pedía unha reducción salarial das adicacións exclusivas.
No que se refire ás adicacións exclusivas, as tres que vai ter o equipo de goberno van supoñer vinte horas semanais máis de adicación ó concello, pero cunha reducción de sete mil cincocentos euros anuais sobre o fixado polo bipartito, o que demostra que os cidadáns deste concello saen gañando de forma clara. Esta distribución representa que se pode facer máis con menos, a base de traballo e esforzo, cousa que sempre se votou en falla no bipartito anterior.
Finalmente, e á vista dos plenos celebrados, tanto o de investidura do novo alcalde, coma o de organización, pedímoslle ós grupos da oposición, socialista e mixto, que non busquen bronca e que actúen con lealdade, con respecto ás persoas, e sobre de todo con respecto ás regla do xogo democrático, que, catro anos despois, volven a situalos nas bancadas da oposición.
PP de Burela.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
