O PP de Ribadeo interesase pola eliminación de barreiras arquitectónicas

GRUPO MUNICIPAL

PARTIDO POPULAR

RIBADEO

Dna. María Azucena González Loredo, Concelleira do Grupo Municipal Popular no Concello de Ribadeo, en nome e representación do mesmo e ó amparo do establecido nos artigos 94.1 e 97.3 do Regulamento de Organización, Funcionamento e Réxime Xurídico das Entidades Locais de 1986, eleva ó Pleno da Corporación para o seu debate a seguinte

MOCIÓN PARA A APROBACIÓN DA ORDENANZA MUNICIPAL DE ACCESIBILIDADE DO CONCELLO DE RIBADEO

Constitúe unha actuación prioritaria para o Partido Popular de Ribadeo toda aquela que favoreza a integración e axuda das persoas que padecen algunha discapacidade. O obxectivo fundamental é garantir ós cidadáns o pleno desenvolvemento dos dereitos que lles son propios, con maior afán, si cabe, tendo en conta a necesidade de garantías suplementarias para logralo por parte das persoas con discapacidade, circunstancia que outorga un lugar de especial relevancia entre os intereses municipais, a supresión de barreiras en pro dun entorno que faga posible a sua total integración social. Ó mesmo tempo, e en consecuencia, fais máis libre e seguro para todos o uso do noso medio urbano.

O obxectivo xeral é lograr un concello aberto a todos, un entorno construido accesible que permita unha participación sin exclusión das persoas con discapacidade na vida diaria, o ocio e a cultura.

“Corresponde a los poderes públicos promover las condiciones para que la libertad y la igualdad del individuo y de los grupos en que se integra, sean reales y efectivas; remover los obstáculos que impidan o dificulten su plenitud y facilitar la participación de todos los ciudadanos en la vida política, económica, cultural y social”.

Neste precepto constitucional (artigo 9.2 da Constitución Española, en relación cos artigos 10, 14 e 49 da mesma) condénsase de forma clara e directa o obxectivo subxacente de toda a actividade pública realizada en torno á consecución dun ámbito libre de barreiras para todos os cidadáns, en pro dunha garantía real e efectiva dunha digna calidade de vida para todos. Así se enuncia no Preámbulo e desenvólvese despois no Titulo Primeiro da nosa Carta Magna, ámbolos dous constitutivos da súa parte dogmática, coa importancia nuclear que esto conleva.

O artigo 49 da Constitución Española establece coma un dos principios que han de rexer a política social e económica dos poderes públicos, o de levar a cabo unha política de integración das persoas con discapacidade, amparándoas especialmente para o disfrute dos dereitos que o Título I outorga a tódolos cidadáns e cidadás.

A partires dese momento foi grande o esforzo das distintas Administracións Públicas, desde as distintas perspectivas, por crear as condicións propicias para o desenvolvemento das garantías suplementarias que as persoas con discapacidade precisan para a súa plena participación en situación de igualdade ó resto dos cidadáns na vida económica, social e cultural do país.

A Convención das Naciones Unidas para as persoas con discapacidade adoptada o 13 de decembro de 2006, e ratificada polo Estado Español, recolle no artigo 3 a accesibilidade coma un dos seus principios xerais, e establece no seu artigo 9 que os Estados Partes que ratificasen a Convención ‘(…) adoptarán medidas pertinentes para asegurar o acceso das persoas con discapacidade, en igualdade de condicións coas demáis, ó entorno físico, o transporte, a información e as comunicacións, incluidos os sistemas e as tecnoloxías da información e as comunicacións, e a outros servicios e instalacións abertos ó público ou de uso público, tanto en zonas urbanas coma rurais.’, sinalando específicamente: ‘Os edificios, as vías públicas, o transporte e outras instalacións exteriores e interiores como escolas, vivendas, instalacións médicas, e lugares de traballo’.

Na nova normativa estatal, a accesibilidade xa non é considerada coma un aspecto máis ou menos intenso da acción social ou os servicios sociais, senon que é entendida coma un presuposto esencial para o exercicio dos dereitos fundamentais que asisten ós cidadáns con discapacidade.

Así a Lei 51/2003, de 2 de decembro, de igualdade de oportunidades, non discriminación e accesibilidade universal das persoas con discapacidade, no seu artigo 4 considera como un dos motivos de vulneración do dereito á igualdade de oportunidades das persoas con discapacidade, o incumprimento non só das esixencias de accesibilidade, senon tamén de realizar axustes razonables.

En consecuencia, esta Ordenanza asume as novas propostas que supuxeron unha importante mellora en canto ó recoñecemento dos dereitos das persoas con discapacidade, axústase ós criterios unificadores das condicións básicas establecidas no RD 505/2007 desenvolvidas no real decreto 173/2010 de 19 de febrero, polo que se modifica o Código Técnico de la Edificación, aprovado polo Real Decreto 314/2006, de 17 de marzo, en materia de accesibilidade e non discriminación das persoas con discapacidade e na ordenanza viv/561/2010 de 1 de febrero, poa que se desenvolve o documento técnico de condiciones básicas de accesibilidad y no discriminación para el acceso y utilización de los espacios públicos urbanizados, e intenta poñer o acento nas importantes competencias municipais en canto ó logro da accesibilidade no ámbito da urbanización e edificación, conforme ás lexislacións de réxime local e urbanística; así como mellorar e precisar os mecanismos de control existentes e o cumprimento da normativa aplicable.

A Administración Local, como Administración máis cercana ó cidadán, debe facer efectiva a sua competencia municipal na materia coa aprobación da presente Ordenanza, reguladora da Accesibilidade no Concello de Ribadeo, en base ó establecido nos artigos 2 e 25 da Lei 7/85 de 2 de abril, reguladora das Bases de Réxime Local, relativos ás competencias municipais, en relación coa previsión constitucional referente á autonomía local do artigo 140 da Constitución Española.

O Concello de Ribadeo, facendo uso da potestade regulamentaria que lle é propia en virtude do artigo 4 da Lei 7/85, debe ser consciente dos continuos cambios operados na sociedade, que fan insuficientes as previsións legais en canto á sua operatividade práctica, nun campo tan importante coma o que nos ocupa, e estimar necesaria a aprobación das concretas condicións que favorezan de feito, no noso municipio, os efectivos dereitos das persoas con discapacidade que nel residen.

Esta Ordenanza inspírase nos principios da Lei 51/2003, de 2 de decembro, de igualdade de oportunidades, non discriminación e accesibilidade universal:

a) Vida independente: a situación na que a persoa con discapacidade exerce o poder de decisión sobre a sua propia existencia e participa activamente na vida da sua comunidade, conforme ó dereito ó libre desenrolo da personalidade.

b) Normalización: o principio en virtude do cal as persoas con discapacidade deben poder levar unha vida normal, accedendo ós mesmos lugares, ámbitos, bens e servicios que están a disposición de calquera outra persoa.

c) Accesibilidade universal: a condición que deben cumprir os entornos construidos, productos e servicios, para ser comprensibles, utilizables e practicables por tódalas personas en condicións de seguridade e comodidade e da forma máis autónoma e natural posible. Presupón a estratexia de «deseño para todos».

d) Deseño para todos ou deseño universal: estratexia de deseño centrado na diversidade de posibles usuarios, pola que se conciben ou proxectan, desde a orixe, entornos construidos, productos, tecnoloxía e servicios de información e comunicación, accesibles, comprensibles e usables para todos, na maior medida e do modo máis independente e natural posible, preferiblemente sin a necesidade de adaptación ou solucións especiais.

e) Axustes razonables: as accións necesarias para que persoas con discapacidades poidan realizar todo tipo de actividades sempre e cando non supoñan cargas desproporcionadas (gastos financieiros e de outro tipo). Ditos gastos non se considerarán excesivos cando se poidan compensar en grado suficiente con medidas de promoción das Administracións Públicas

f) Diálogo civil: o principio en virtude do cal as organizacións representativas de persoas con discapacidade e das suas familias participan, nos termos que establecen as leis e demáis disposicións normativas, na elaboración, execución, seguimento e evaluación das políticas oficiais que se desenvolven na esfera das persoas con discapacidade.

g) Transversalidade das políticas en materia de discapacidade, o principio en virtude do cal as actuacións que desarrollan as Administracións públicas non se limitan únicamente a plans, programas e accións específicos, pensados exclusivamente para estas persoas, senon que comprende as políticas e liñas de acción de carácter xeral en calquera dos ámbitos de actuación pública, en donde se terán en conta as necesidades das persoas con discapacidade.

En virtude do exposto, desde o grupo do Partido Popular que compón esta Corporación solicitamos que se adopte o seguinte acordo:

Aprobar a Ordenanza Municipal de Accesibilidade de referencia
A realización de cantos actos ou trámites sexan precisos para a súa aplicación.

———–

ELIMINACIÓN DE BARREIRAS ARQUITECTÓNICAS

TÍTULO PRIMEIRO: DISPOSICIÓNS XERAIS

Artigo 1.- Disposicións xerais

TÍTULO   SEGUNDO:   CRITERIOS   BÁSICOS   PARA   A   MELLORA   DA   ACCESIBILIDADE   e

REHABILITACIÓN NO MEDIO URBANO

?   CAPÍTULO PRIMEIRO: PARA A ORGANIZACIÓN e DESEÑO DO ESPACIO URBANO

SECCIÓN PRIMEIRA.- ÁMBITO DE APLICACIÓN e OUTROS CONCEPTOS. Artigo 2.- Ámbito de aplicación.

SECCIÓN SEGUNDA.- ELEMENTOS COMÚNS DE URBANIZACIÓN Artigo 3.- Deseño e trazado da vía.

Artigo 4.- Pavimentos. Artigo 5.- Pasos peonís.

Artigo 6.- Pasaxes de vehículos. Artigo 7.- Escaleiras.

Artigo 8.- Xardíns, prazas e espacios públicos. Artigo 9.- Aparcadoiros.

Artigo 10.- Facilidade de estacionamento. Artigo 11.- Bolardos.

Artigo 12.- Alcorques. Artigo 13.- Semáforos.

SECCIÓN TERCEIRA.- ELEMENTOS E INSTALACIÓNS DO MOBILIARIO URBANO Artigo 14.- Catálogo de mobiliario urbano.

Artigo 15.- Localización do mobiliario. Artigo 16.- Normas xerais.

Artigo 17.- Avisadores sonoros. Artigo 18.- Elementos salientes. Artigo 19.- Contedores de residuos. Artigo 20.- Obras en vía pública.

?   CAPÍTULO SEGUNDO.- PARA A EDIFICACIÓN

SECCIÓN PRIMEIRA.- ÁMBITO DE APLICACIÓN Artigo 21.- Ámbito xeral de aplicación.

SECCIÓN SEGUNDA.- GRAO DE APLICACIÓN DA ORDENANZA A CADA TIPO DE OBRA Artigo 22.- Grao de aplicación individual.

SECCIÓN TERCEIRA.- CRITERIOS CONSTRUCTIVOS E REQUISITOS DIMENSIONAIS Artigo 23.- Áreas de estacionamento.

Artigo 24.- Accesos.

Artigo 25.- Accesos á edificación.

Artigo 26.- Vestíbulos e elementos de comunicación horizontal. Artigo 27.- Elementos de comunicación vertical.

Artigo 28.- Aseos adaptados.

1

Artigo 29.- Disposicións en espacios interiores das vivendas.

Artigo 30.- Disposicións específicas para centros públicos e edificios de concorrencia pública.

SECCIÓN CUARTA.- CRITERIOS ESPECÍFICOS PARA REHABILITACIÓN DE EDIFICIOS CON PROTECCIÓN e DE EDIFICIOS EN XERAL

Artigo 31.- Edificios de especial protección.

Artigo 32.- Rehabilitación de edificios non protexidos.

TÍTULO TERCEIRO: RESPONSABILIDADES, CONTROL e SEGUIMENTO

SECCIÓN PRIMEIRA: RESPONSABILIDADES das ADMINISTRACIÓNS

Artigo 33.- Obrigacións das administracións. SECCIÓN SEGUNDA.- CONTROL e SEGUIMENTO Artigo 34.- Gabinete de Accesibilidade Municipal.

TÍTULO CUARTO: INFRACCIÓNS e RÉXIME SANCIONADOR CAPITULO ÚNICO.- INFRACCIÓNS e RÉXIME SANCIONADOR Artigo 35.- Faltas administrativas e sancións.

DISPOSICIÓN FINAL PRIMEIRA

DISPOSICIÓN FINAL SEGUNDA