Nota de prensa:
RAQUEL ARIAS VISITOU EN BURELA O CENTRO CONCERTADO SAN ANÍBAL, QUE OFRECE APOIO TÉCNICO ÁS FAMILIAS E ATENCIÓN DE DÍA A MENORES
A institución ofrece tamén vivendas tuteladas para mulleres inmigrantes con menores a cargo, sufragadas a través da Secretaría Xeral de Emigración
Burela, 1 de xullo de 2011.- A delegada territorial da Xunta, Raquel Arias, e o alcalde de Burela, José María González Barcia, visitaron hoxe o centro concertado San Aníbal, que desenvolve actuacións con familias e menores en xeral, así como un programa de acollida a dirixido a mulleres inmigrantes con menores ao seu cargo.
A delegada tivo oportunidade de coñecer o traballo social que se realiza no centro, rexido pola orde relixiosa das Irmás Rogacionistas. A institución dispón de 20 prazas no programa de atención de día a menores e conta con dúas vivendas tuteladas para as mulleres inmigrantes e os seus fillos, servizos ambos que sufraga a Xunta de Galicia.
Así, a Consellería de Traballo e Benestar, a través da Secretaría Xeral de Familia e Benestar, financia o 100% das prazas de atención de día a menores, o que significa un investimento mensual de preto de 25.000 euros. Así mesmo, a actual Xunta de Galicia, a través deste departamento autonómico, entregou un vehículo para o traballo do centro.
Este orzamento permite manter a liña de traballo cos nenos e nenas que, por diversas circunstancias, precisan ser atendidos polo día, ata que a súa familia se pode facer cargo deles. Durante a súa estancia realizan actividades de tipo lúdico e cultural, toman a merenda ou realizan os deberes escolares.
Poden optar a estas prazas menores de ata 18 anos e, como resulta habitual nestes procedementos, son os servizos sociais do concello os que presentan un informe á Xunta sobre a necesidade de prestar este servizo ás familias.
A consellería avalía os expedientes e igualmente comproba que o tipo de prestacións que reciben os menores sexa a axeitada, sendo o propio centro o que determina as cuestións organizativas, como actividades e horarios concretos.
Con respecto ás vivendas tuteladas, financiadas a través da Secretaría Xeral de Emigración, están destinadas a acoller a mulleres inmigrantes con menores a cargo e sen suficientes recursos económicos. A Xunta destinou este ano 26.710 euros ao mantemento deste programa.
A delegada territorial gabou o traballo que se leva a cabo no centro e incidiu na necesidade de afondar “nestas liñas de cooperación entre administracións e entidades privadas”, xa que -explicou- “permiten optimizar os recursos dispoñibles e polo tanto ofrecer máis e mellores servizos ás persoas que os necesitan, o cal sempre resulta interesante e en tempos de crise como o actual é imprescindible”.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
