Nota de prensa:
FOZ ACOLLERÁ DURANTE O VERÁN VARIOS ACTOS PROMOCIONAIS DA I FESTA NORMANDA DE RECUPERACIÓN DA MEMORIA HISTÓRICA, SEGUNDO ANUNCIABA ESTA TARDE O PRESIDENTE DA ACIA, JOSÉ CARLOS PALEO.
Foz, 1 de xullo de 2011. Foz acollerá durante o verán varios actos promocionais da I Festa Normanda de Recuperación da Memoria Histórica, segundo anunciaba esta tarde o presidente da Asociación de Comerciantes, Industriais e Autónomos, José Carlos Paleo. Ademáis vánse editar 2.000 monedas daquela época e o recadado servirá como donativo para a organización deste evento.
A I Festa Normanda de Recuperación da Memoria Histórica celebraráse os días 26 e 27 de agosto en Foz para rememorar as últimas invasións vikingas ao Reino de Galicia a principios do século XII, cando unha flota normanda de 300 navíos tentou invadir Foz ao chegar pola súa ría. Paleo asegurou que “o obxectivo desta festa é recuperar e dar a coñecer a historia do noso pobo, darlle tamén un impulso comercial a Foz nesas datas e aproveitar para despedir o verán”.
Os actos darán comezo o 26 de agosto co pregón que pronunciará a partires das 20 horas no Bispo Santo o cronista oficial de Foz, Suso Fernández, e despois haberá unha escenificación teatral. Xa para o 27 de agosto están previstas varias actividades no Porto Chico a partires das 12:30 da mañá, ás 13 horas desembarco en Porto Chico, de 16:30 a 18:30 será tempo para disfrutar de xogos tradicionais para os novos na explanada do peirao, a partires das 19 horas na praza do Conde Fontao será a concentración normanda e a continuación, ás 20 horas, procederase a nomear ao vikingo maior, “que recaerá en José Luis Muñoz, un turista madrileño que leva 50 anos veraneando en Foz e remataremos a xornada co desembarco na hostalería”, seguiu a relatar José Carlos Paleo. Ese día o barco de Os Larpeiros estará estará na zona do paseo da Rapadoira para que a xente poida visitalo.
O presidente de ACIA Foz adiantou que “durante todo o verán haberá en Foz varios actos promocionais desta I Festa Normanda. Xa o 22 de xullo ás 20:30 horas no CENIMA terá lugar unha conferencia sobre os desembarcos vikingos nesta zona a cargo dun historiador e teremos máis actividades paralelas durante estes dous meses”.
A I Festa Normanda de Recuperación da Memoria Histórica está organizada por ACIA Foz, a Deputación Provincial de Lugo e o Concello de Foz. Tamén participan na preparación desta cita os seguintes grupos: As sin xeito, Pernas do Centiño, Os Larpeiros, As Farangullas, Peña Ñass, Bonaerensis, Gandallada, A Trancas e Barrancas, Charanga de Pipo Os Lambóns, Pé do Molete, Trouleiras, Fáltache pé ou sóbrache chancla, Charanga Vilaronte Ruxe-Ruxe, K quéss!, O Feitizo, A Subela, Batán, O Castro de Vilaronte, A Adala, Escola de Música Municipal, Xesús do Breogán, Club Náutico de Foz e Club Kayak. En total son máis de 500 integrantes os que xa se sumaron a esta cita. A organización invita a participar nesta festa normanda a todos os grupos e particulares que o desexen. A I Festa Normanda de Recuperación da Memoria Histórica estará tamén presente en breve nas redes sociais.
José Carlos Paleo subliñou que “será unha festa na que todos os grupos irán con vestimenta ambientada nesa época e animamos a todo o mundo, a nenos e a maiores, a que fagan o mesmo porque queremos darlle moito colorido a Foz e que todo teña sabor medieval. Hai xa locais en Foz, como Librería Bahía e OfiFoz, nos que se pode adquirir a roupa para participar nesta festa normanda”.
O presidente da Asociación de Comerciantes recalcou “o impulso que pretendemos darlle ao comercio e á hostelería con esta esta festa, pero tamén queremos que a xente a disfrute e nada mellor para facelo que ambientarse con traxes de época e ademáis pretendemos que sexa a festa de despedida do verán para os veciños de Foz, para os que nos visitan e para os que pasan as súas vacacións noutros puntos da comarca da Mariña”.
O Cenima acolleu esta tarde a presentación da I Festa Normanda, un acto ao que asistiron o alcalde, Javier Jorge Castiñeira, a concelleira de Cultura, Merche González, o cronista oficial, Suso Fernández, José Carlos Paleo, o presidente de ACIA Foz e representantes das asociacións participantes.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
