NOTA DE PRENSA
Avanzan os preparativos da festa da Maruxaina, que terá lugar o sábado 13 de agosto, cita declarada de interese turístico galego
Os participantes no tradicional xantar da irmandade da Maruxaina xa poden reservar as súas mesas
* Para facer as súas reservas de cabaletes e taboleiros deberán acudir á Casa da Cultura de San Ciprián antes da data límite: o vindeiro xoves día 11.
* Milleiros de persoas vestidos de maruxainos comparten un xantar de confraternidade na praia do Torno que, polo seu éxito, esténdese tamén a outros areais e puntos da localidade.
San Ciprián 02 de agosto de 2011.- Os participantes no tradicional xantar da irmandade da Maruxaina que cada ano ten lugar na praia do Torno, co gallo da celebración desta cita de interese turístico galego, xa poden reservar as súas mesas. Como noutras ocasións será o Concello de Cervo quen, en colaboración coa Comisión de Festas, organice a entrega e recollida dos taboleiros. Aquelas persoas que así o desexen poden reservar a súa mesa na Casa da Cultura de San Ciprián, e poderán facelo desde hoxe mesmo e ata que chegue a data límite: o vindeiro xoves 11 de agosto. As oficinas municipais en San Ciprián teñen un amplo horario de atención ao público tanto pola mañá como pola tarde.
FIANZA CON DEVOLUCIÓN
Non será ata o propio sábado 13 de agosto, día da Maruxaina, cando se efectúe a entrega dos taboleiros a aqueles que teñan cumprimentada a súa reserva previa. A intención é centralizar o punto de entrega e recollida das mesas desde os almacéns municipais sitos nas inmediacións do bar da praia, baixo o paseo marítimo do Torno. A organización disporá duns 50 taboleiros, cos seus cabaletes correspondentes, que recibirán en préstamo a cambio dunha fianza de 30 euros, que se devolverá posteriormente, o luns 15 na Casa da Cultura, unha vez verificada a entrega en bo estado das mesas. O tradicional xantar da irmandade da Maruxaina está a acadar tal éxito que non só ten lugar na praia do Torno, esténdese tamén a outros areais e puntos da localidade.
COLABORACIÓN CIDADÁ
Por outra banda, a organización agradece a colaboración de todos os participantes neste típico evento festivo e pídelles que axuden a incrementar a vistosidade do mesmo cumprindo unha serie de recomendacións. Neste caso concreto, prégalles que empreguen toldos de cores claras, e non lonas ou plásticos de cor negra, para protexer a súas mesas do sol. Os organizadores entenden que esta disposición ofrece menor impacto e mellora o aspecto xeral do xantar da irmandade.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
