Nota de prensa
O BNG DI QUE É O PP O QUE TEN DOBRES DISCURSOS EN CALQUERA TEMA QUE LLE AFECTA A BARREIROS. OS NACIONALISTAS CONSIDERAN QUE O PP ENGANA ÁS VECINAS E AOS VECIÑOS EN FUNCIÓN DOS SEUS INTERESES EN CUESTIÓNS COMA O URBANISMO OU A ESTRADA REME-VILAR.
Barreiros, 2 de agosto de 2011. Desde o BNG de Barreiros saen ao paso das últimas declaracións do conselleiro, Agustín Hernández, en relación co urbanismo en Barreiros. Califican os nacionalistas “de auténtica desfachatez que este señor se adique a mentir e difamar ao BNG no tocante ao posicionamento mantido en relación co caos urbanístico deste concello. No BNG sempre o tivemos claro: repetimos ata a saciedade aquel xa manido lema de primeiro os servizos e despois os edificios. No BNG nunca vacilamos na postura a manter, defendendo os intereses xerais, os intereses de Barreiros, por riba de intereses particulares en detrimento dos públicos”.
Os nacionalistas insisten en afirmar que o conselleiro está mentindo, unha vez máis, en relación con este tema, “o BNG na Deputación tamén votou en contra deste convenio. Que non veñan enganando á xente e tomándonos por parvas e parvos. Sabemos que hai moito espabilado no Partido Popular, pero no BNG non imos permitir que nos traten de tontos. Na comisión de goberno da Deputación na que se votou o convenio, o representante nacionalista votou en contra. É máis, encargouse de aclarar (e así consta na acta) que o facía deste xeito por estar completamente en contra da sinatura do convenio de Barreiros”, relatan desde o BNG.
Os representantes do BNG din que “en todo caso, quen terá que aclarar cal é a súa postura con respecto a Barreiros é o Partido Popular, que pasou de asegurar que non había ningún problema urbanístico no concello e de argumentar unha persecución política ao alcalde (con foto de apoio de cargos do PP incluída), a recoñecer que a construcción en Barreiros era insostible e investir cartos públicos en legalizar urbanizacións ilegais, construídas sen servizos e en beneficio de promotores privados”.
Os nacionalistas engaden que “o Partido Popular sí que ten que preocuparse polo seu dobre discurso. E ningunha lección nos ten que dar ao BNG ese conselleiro que xa se caracteriza por vacilar abondosamente en todos os temas relacionados con Barreiros. Debería preocuparse máis de estar calado e, en todo caso, que explique o seu dobre discurso en relación, por exemplo, coa inversión da estrada Reme-Vilamar. Que explique onde van os 500.000 euros que se encargaron de anunciar el e máis Alfonso Fuente no verán do 2009 e que nunca máis deles se soubo. Eles sí que teñen doble discurso. Que se miren a si mesmos e que deixen de mentir intentando confundir á xente en relación co BNG”, conclúen.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
