RIOTORTO (FNC) .- A comisión de goberno acordou os proxectos que se desenvolverán en Riotorto con cargo aos fondos estatais de inversión. Este Concello presenta 3 que suporán un investimento total de 280.172 euros. Segundo explica o alcalde, Federico Gutiérrez Estoa “o primeiro é o acondicionamento e construción dos centros veciñais en Espasande de Abaixo, Chacín e Augaxosa. Aquí contémplase as obras que haberá que facer para acondicionar e mellorar estes locais que acollen xuntanzas veciñais en Espasande de Abaixo e Chacín e para construír un novo no núcleo de Augaxosa. Este novo edificio será de planta baixa e terá unha superficie útil duns 40 metros cadrados. Este proxecto terá un custe total de 115.000 euros.”
O rexedor segue a contar que “o segundo dos proxectos presentados en Riotorto é o acondicionamento dos centros veciñais en Espasande de Arriba e Aldurfe. Aquí hai que facer reparacións puntuais nos tellados e tamén enfoscar e pintar e realizar melloras na instalación eléctrica. Nestes casos o importe total das obras será de 47.172 euros”.
Gutiérrez Estoa engade que “o terceiro dos proxectos que queremos levar adiante con cargo a eses fondos estatais de inversión é a dotación e mellora de infraestruturas en O Bispo, O Navallo, Santalla, Órrea e Aldurfe. No caso de O Bispo trátase do arranxo dunha pista forestal e que se atopa moi deteriorada e na que queremos abrir cunetas, construír canles e levar adiante a súa pavimentación con zahorra artificial. En O Navallo proxectamos a construción da rede de abastecemento de auga potable para as vivendas que aínda non contan con ese servizo. En Santalla queremos ampliar un espazo público; na Órrea o previsto é acondicionar tres camiños e en Aldurfe pretendemos construír un depósito para almacenamento de auga que terá unha capacidade de 70 metros cúbicos. Será unha instalación da que se beneficiarán os gandeiros en época de seca dado que o subministro de auga é insuficiente”.
O alcalde de Riotorto subliña que “en total con eses tres proxectos e esa inversión de máis de 280 mil euros crearanse para levar adiante estas obras 16 postos de traballo que servirán fundamentalmente para dotar de infraestruturas básicas e tamén de equipamentos socioculturais ás parroquias que sirvan para dinamizar a vida social nestas a través dunha programación regular de actividades que realizará o concello. En definitiva trátase de mellorar a calidade de vida dos habitantes dos nosos pobos do rural”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
