Nota de prensa:
PRESENTOUSE O PROGRAMA DE ACTIVIDADES QUE DESENVOLVE A REDE MUSEÍSTICA CON MOTIVO DO DÍA MUNDIAL DO ALZHEIMER
O programa, que se levará a cabo os días 21, 23 e 24 de setembro e 1 de outubro, pretende sensibilizar á sociedade acerca desta doenza
A Rede Museística ven desenvolvendo actividades non só con enfermos de Alzheimer, senón tamén cos familiares e coidadores
LUGO, 19 de setembro de 2011. O vicepresidente da Deputación, o nacionalista Antonio Veiga, mailo delegado de Cultura, Mario Outeiro, presentaron esta mañá no salón de actos da Deputación de Lugo, xunto con Encarna Lago, xerente da Rede Museística, o programa de actividades que se desenvolverá nos museos da provincia con motivo da celebración, o día 21 de setembro, do Día do Alzheimer. Estas actividades levaranse a cabo coa colaboración de AFALU (Asociación de Familiares y Enfermos de Alzheimer) e con elas preténdese sensibilizar á sociedade acerca desta doenza, cuxas principais consecuencias son o deterioro da memoria e das funcións cognitiva, condutora e motora.
O vicepresidente da Deputación afirmou que “a Rede Museística nunca foi allea ás inquedanzas sociais, sendo unha institución pioneira, tanto o Museo como o conxunto da Rede, neste eido”. Explicou que “a Área de Benestar debe ter contidos transversais e establecer sinerxias con outras áreas e cos colectivos sociais, non se debe limitar a ser un compartimento dunha institución”. Respecto a isto, Mario Outeiro subliñou a transversalidade que debe existir entre as áreas e, neste caso, a Rede Museística, “que sempre estivo moi ligada aos aspectos de accesibilidade e de capacidades diferentes, tendo incluso un departamento con este nome, que fai que os catro centros sexan considerados accesibles a nivel nacional e internacional”. Mario Outeiro explicou que as actividades se inaugurarán este mércores 21 cunha tarde dedicada ao Alzheimer no Museo de Lugo: unha mesa informativa da que se encargarán os membros de AFALU, e a presentación dos programas desenvolvidos pola Rede: ‘O nobelo da memoria’, ‘Tirando do fío’, ‘Álbum da memoria compartida’ e ‘Memoria do pan’, a cargo de Encarna Lago. Continuará a tarde do mércores cunha mesa redonda sobre o Alzheimer e os Museos como centros de memoria, na que participarán membros de AFALU e a propia Encarna Lago, e finalizará ás 18:30 horas coa proxección, a cargo de AFALU, da película “Bicicleta, Cuchara, Manzana”, dirixida por Carles Bosch.
Ademais do día 21 no Museo de Lugo, proxectarase a película a cargo de AFALU nos Pazo de Tor o día 23, o día 24 no Museo de San Paio de Narla e o 1 de outubro no Museo do Mar, ás 18:00 horas. “Pero falar da nosa programación – explicou Encarna Lago – é falar dun traballo que se ven facendo desde o ano 2008 coa creación do departamento de Capacidades Diferentes e Accesibilidade”. A Rede Museística ven desenvolvendo 4 programas que teñen como protagonista a memoria e a súa recuperación. Estes programas son “O nobelo da memoria”, que consiste en traballar lembranzas da vida cotiá dos enfermos; “Tirando do fío” céntrase en ir tirando das reminiscencias do pasado; o “Álbum da memoria compartida” é unha actividade nova, na que tanto os enfermos como os familiares ou coidadores traballan as etapas da vida comparándoas coas estacións, e “A Memoria do pan”, actividade na que se fixo unha mestura xeracional e se compartiu a experiencia da elaboración do pan. Encarna Lago explicou que “tamén incluímos este ano a posibilidade de que os afectados e as familias se poñan en contacto coa Rede, e así poidamos dar desde os museos un trato máis personalizado a cada enfermo”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
