Nota de prensa:
Besteiro solicita por 7º vez un encontro con Feijóo para que defina a súa postura sobre o centro de recría e as residencias
– O Presidente provincial envía unha nova carta ó titular da Xunta, reiterando a necesidade de manter unha cita “inaprazable” para tratar “temas estratéxicos e de futuro en Lugo”
– Logo das numerosas peticións durante máis de 2 anos e medio sen obter resposta algunha por parte da Xunta, Besteiro ponse a disposición de Feijóo para que peche o lugar e data da celebración deste encontro institucional co fin de desbloquear esta situación
O Presidente da Deputación, José Ramón Gómez Besteiro, solicitou por 7º vez este martes ó Presidente da Xunta, Alberto Núñez Feijóo, un encontro para tratar “temas estratéxicos e de futuro para a provincia”. Logo de coñecer mediante os medios de comunicación que, previsiblemente hoxe, o máximo mandatario autonómico ía visitar a cidade lucense, Gómez Besteiro enviou este martes unha nova carta a Núñez Feijóo na que, de xeito reiterado, o empraza a manter unha cita “inaprazable” para coñecer cal é a postura do Goberno galego ó respecto do 1º centro de recría público en España que está a construír o organismo provincial na Granxa Gayoso Castro ou das primeiras residencias con centro de días que fará realidade a institución luguesa na provincia.
Besteiro salientou que “é imprescindible esclarecer se a administración que ten competencias directas no medio rural en Galicia vai a participar no centro de recría no que estamos avanzando, investindo para elo 6 millóns de euros, uns 1.000 millóns das antigas pesetas, porque así o requiren ós gandeiros da Comunidade. Teño esperanza de que se impoña o sentido común e de que Feijóo considere esta aposta de futuro no rural. Pero hai outros proxectos como as residencias que, en plena campaña electoral dos pasados comicios municipais, todas as formacións políticas se comprometeron en solicitar ó Goberno galego a súa colaboración nesta iniciativa, na que a Deputación achega 12 millóns de euros á construción dunhas instalacións fundamentais para Lugo”.
Demora de 2 anos e medio
Trátase dun encontro que o titular provincial leva demandando dende hai 2 anos e medio logo de enviar unha primeira carta o 21 de abril de 2009 e non obter resposta algunha. O titular provincial remitiu outros 2 escritos o 2 de setembro e o 24 de setembro dese mesmo ano, logrando o mesmo nulo resultado. En novembro de 2009, aproveitando a única cita entre ambos os dous mandatarios para abordar exclusivamente, a situación dos hospital San Rafael e San José, o Presidente da Deputación entregoulle ó Presidente da Xunta un amplo dossier informativo no que xa lle avanzaba as necesidades da provincia lucense, entre elas o Centro de Recría, e lle insistía na necesidade desta cita para abordalas conxuntamente canto antes.
A Xunta tampouco respostou ós escritos remitidos o pasado 5 de xullo de 2011 e o 16 se setembro, cando Besteiro convidou persoalmente a Feijóo a visitar as obras do centro de recría que, en solitario, está a levar a cabo a institución provincial nas instalacións da Granxa Gayoso Castro. Recentemente, o Presidente da Deputación aproveitou a visita do Presidente da Xunta a Lugo con motivo do inicio das obras do auditorio para lembrarlle a cita pendente.
Tendo en conta a urxencia e o retraso de 2 anos e medio deste encontro, na carta remitida hoxe Besteiro ponse a disposición de Feijóo, salientando a “independencia” do lugar onde se celebre a reunión co obxectivo de “desbloquear asuntos específicos da Xunta de Galicia na provincia de Lugo e temas estratéxicos para o desenvolvemento económico-social. No escrito, o Presidente da Deputación agradece de antemán ó Presidente da Xunta “que fixe canto antes este encontro institucional, xa que a dimensión dos asuntos a tratar, como ben comprenderás, non poden permitirse máis demora”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
