Nota de prensa
2ª xornada da LNB 2011.2012 Conferencia Norleste. Guille segue sumando
O segundo asalto da liga regular na conferencia NorLeste, despois dun espectacular arrinque no peirao de Burela, fixo que no cantón de Lourenzá se vivise o domingo unha festa billardeira que non se esquecerá perante moito tempo. A serpe multicor da LNB serpenteando polos campos xa valeiros de fabas, ensinou os dentes guiada polo esprito do nunca esquecido Lois Trigo “O Gardarríos” quen de seguro estivo entre todos nos ollando con ledicia o desenrolo do xogo.
Medrou a participación con respecto a 1ª xornada que xa fora moi concurrida e o nivel dos palanadores sube como o “Escumoso Bieiteiro”. Sobresainte a representación de A Pontenova cos Paus de Toxo que debutaban e ficaron por riba das Troitas Bravas. Equipos que amiazan con dar moita guerra no vindeiro asalto, contan co factor campo e pensan que pode ser determinante para dar a sorpresa, xa se verá si lles vale de algo.
Guille de Os Outros sigue intratable, fixo de novo pleno e ainda que desta volta tamén Reyes, compañeira de equipo e actual “Campiona Nacional” acadou a máxima puntuación, no desempate tivo que rendirse ante a billarda sambeira do brasileiro. Disque Reyes se viu perxudicada por mor de que nun lance do xogo a súa billarda favorita foi parar a balcoada do Concello e alí quedou ollando o desenlace das carreiras de desempate. Na primeira carreira das dúas a disputar polo primeiro posto porduciuse un empate e na segunda Reyes tivo tamén o empate na man, mandou a billarda contra o varal con forza, pero petou nun poste e brincou fora da pista; daquela o seu compañeiro e rival aproveitou para marcar e rematar gañando a carreira. A sorte dos Campións?, pode ser, pero Guille acada o seu segundo trunfo consecutivo na liga regular (tamén foi o vencedor no abertiño-adestramento do vermú de Remourelle). Cousa rara nil, hoxe non fixo ningún varado.
Destacada foi tamén a participación de Bixi do Ekipa-Bitere-M.F. que a piques estivo de subir o caixon dos gañadores, loitou polo 3º posto con Luis (Bateas) e Markytos (Billardiros Musicais) pero foi o veterán Billardeiro Musical quen puxo o ritmo e cantou victoria. Acadaronse un total de cinco varados e a xornada rematou ca entrega de premios na que o ciclista galego Rubén Sanchez fixo os honores entregando agasallos para os tres primeiros e un representante da marca “Veiga do Curral” de Santo Adrao de Lourenzá fixo a entrega de un saqueto de fabas para Guille de Os Outros como gañador do Aberto. Salientar que Reyes lanzou un chamamento xeral para que lle sea devolta a billarda que embarcou no balcon do Concello.
A vindeira xornada en A Pontenova o día 29. Agardamos seguir medrando.
Clasificación:
INDIVIDUAL: Guille 20 puntos
Markytos 18 id.
Reyes 17 id
EQUIPOS: Os Outros 65 puntos
Billardeiros Musicais 62 id.
Bateas 53 id.
VARADOS: Guille 2 varados
Bixi, Eric, German Rececende,
Juan, Muriego, Regueiro e XanRo 1 id.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
