Nota de prensa:
O Observatorio da Mariña pola Igualdade organiza o Outono Feminista en Mondoñedo
O I Encontro Feminista da Mariña terá lugar o próximo sábado 22 de outubro en Mondoñedo
O Observatorio da Mariña pola Igualdade organiza para o próximo 22 de outubro o Outono Feminista en Mondoñedo, o I Encontro Feminista que se realiza na Mariña. O Outono Feminista é un encontro concibido como espazo de debate e lecer no que pór en valor o traballo desenvolto polas mulleres galegas no ámbito cultural, entendendo a cultura como factor dinamizador dun pobo e dunha sociedade. Será na casa da xuventude de Mondoñedo, con actividades durante o todo o día, entre as 10 da mañá e as 20.30 da tarde, e contaremos coa presenza de mulleres galegas referentes no eido literario como Teresa Moure, Carme Blanco e Marica Campo; no eido musical como Olga Nogueira, Ugia Pedreira, e Guadi Galego; e no eido audiovisual como Carme Rábade, Diana Gonçalves e Margarita Ledo. Proxectarase tamén a curta “Bata por fóra, muller por dentro” de Claudia Brenlla, e o documental “Mulleres da raia” de Diana Gonçalves, seguidos por un tempo de debate e reflexión.
Haberá un xantar de convivencia, parcialmente financiada polo Observatorio para as súas socias e socios (a custe reducido de 8€), e prezo íntegro de 12 € para as persoas non socias. Para o xantar, que terá lugar no restaurante A Taberna do Valeco, no barrio dos Muíños mindoniense, é preciso anotarse previamente a través do correo observatorioigualdade@gmail.com, do facebook do Observatorio ou no teléfono 627.037.668.
Tanto as xornadas como o xantar están dirixidas a toda a xente que o desexe.
O programa do Outono Feminista é:
Mañá:
10h
Mesa redonda: Feminismo e escrita. A creación literaria das mulleres galegas. (Carmen Blanco, Marica Campo e Teresa Moure)
12.00h– 12.30h: Descanso
12.30h:
Mesa redonda: Músicas en feminino. As mulleres e a música en Galiza.
(Guadi Galego, Olga Nogueira e Ugia Pedreira)
14.30: Xantar de confraternidade (é necesario anotarse previamente)
Tarde:
16h:
Mesa redonda: As mulleres e o cinema en Galiza. (Diana Gonçalves, Margarita Ledo e Carmen Rábade)
18h – 18.15h: Descanso
18.15h:
Proxección da curta “Bata por fóra, muller por dentro” de Claudia Brenlla (18’)
Tempo de debate e reflexión
19h:
Proxección do documental “Mulleres da raia” de Diana Gonçalves (42’)
Tempo de debate e reflexión
20.30h: Clausura do encontro
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
