Nota de prensa
AS ZARAGOZANAS CHEGAN A VISTA ALEGRE OSTENTANDO O FAROL VERMELLO
O Burela FS-Pescados Rubén medirase mañá ao Natudelia.com Zaragoza, que chega a Vista Alegre ostentando o farol vermello, sen estrear a cuadrícula. Como vén sendo habitual, o encontro dará comezo ás 18.30 horas.
Os resultados para as mañas non están sendo nada alentadores (UA Alicante 3-7, Móstoles 11-1, Soto del Real 1-5, Ponte Ourense 6-0 e Cajasur Córdoba 1-6); as derrotas con menor diferenza de goles foron na súa casa, ante as alacantinas e as sotorrealeñas, de catro. Porén, Javier Pardeiro advirte sobre a dificultade en potencia que presenta a sexta xornada da Primeira División na bomboneira. “Non é un partido que se pode dar por gañado porque seguramente vai presentar máis dificultades das esperadas a priori. Aínda que non está tendo un bo comezo, o Zaragoza fíxose con varias xogadoras nas últimas semanas que lle proporcionarán profundidade de banco e intensidade” dixo o estratega laranxa, que fixo referencia á concentración como baza para non deixar escapar os tres puntos: “Veremos un equipo pechado moi atrás, que non arriscará e que tentará saír ao contragolpe. Sen ningunha dúbida, levaremos o peso do partido; non podemos relaxarnos en ningún momento”.
Para esta cita, o banco burelista contará co regreso de Jozi, despois de alzarse co Sudamericano 2011 co combinado brasileiro. Peque continúa a evolución da súa escordadura de ligamento cruzado posterior.
Os hoteis Palacio de Cristal, Nordés e Sargo, en Burela, e O Rincón de Anita, en Foz, agasallarán a súa clientela durante as ceas deste venres con invitacións para gozar co xogo do CD Burela FS-Pescados Rubén ante as zaragozanas.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
