Nota de prensa
A MEDIADOS DE NOVEMBRO REMATARÁN AS OBRAS DE REMODELACIÓN QUE SE ESTÁN A ACOMETER NAS INSTALACIÓNS DO CLUB NÁUTICO DE RIBADEO.
Ribadeo, 27 de outubro de 2011. No prazo de dúas semanas rematarán as obras de remodelación que se están a acometer nas instalacións do Club Náutico de Ribadeo, segundo afirmou o seu presidente, Mario Coto.
O responsable do CNR dixo que esas obras marchan segundo o previsto, “eran uns traballos moi reclamados por parte da directiva do Club Náutico de Ribadeo, tiñamos que darlle solución a uns problemas de humidades nas oficinas, retranqueamos os ventanais e imos pintar as fachadas. É algo que nos interesaba moito ter feito e moi necesario e o anterior presidente de Portos de Galicia, o señor Campana deixou adxudicada esta obra”. Mario Coto agradeceullo “ao igual que a pasarela para independizar a marina seca do acceso aos pantaláns. Só falta unha parte que se executará en breve”.
Portos de Galicia
Sobre o encontro mantido a principios desta semana co actual presidente de Portos de Galicia, José Juan Durán, Mario Coto lembrou que “Durán veu o 9 de setembro a Ribadeo e o secretario do Club Náutico acudiu a esa visita e quedamos para falar. Días despois a través de Manuel Valín e de José Carlos Rodríguez Andina dixémoslles que nos interesaba manter ese encontro e eles comprometéronse a xestionalo e así foi”. O presidente do CNR asegurou que “Durán foi moi receptivo cos plantexamentos que alí lle levamos, é unha persoa que atendeu todas as nosas demandas e estou convencido de que si algunha fórmula hai para sacalos adiante así vai ser. Alí incidimos de novo na necesidade de proceder ao peche da bocana de Porcillán, hai que cerrar o espigón uns 20 metros para que non se produzan as correntes e os perxuizos que se lles producen aos pantaláns 8 e 9”.
Mario Coto engadiu que “de inmediato vannos facer un dragado alí dentro da dársena do porto deportivo porque entrou area e os barcos con algo de calado, superior a dous metros, tócalles a orza no fondo e van facer ese dragado ao tempo que se realice o da ría”.
Desde o Club Náutico de Ribadeo tamén lle plantexaron ao presidente de Portos de Galicia “a instalación de cámaras de vixianza e unha proposta de aforro enerxético coa instalación de luminarias LED, é necesario economizar e así o entenderon. Xa lle presentamos o proxecto e agora está en estudo. Tamén queremos que se fagan as naves para os pescadores e que nos deixen a nós os casetos dos mariñeiros, queremos que Ribadeo conte cun porto que mire ao mar. Cremos nese proxecto e queremos contar cun circuito no porto deportivo para a apertura de novos negocios”. Mario Coto propúxolle no encontro do pasado luns a Portos de Galicia “a instalación dun surtidor de gasoil, é algo moi apetitoso para nós, pero sabemos que é algo problemático. Falamos do restaurante-cafetería que temos en proxecto e xa poido adiantar que en breve sacaremos a concurso a adxudicación destas instalacións, que irán ubicadas na terraza do Club Náutico”.
O presidente do CNR anunciou que José Juan Durán viaxará antes de finais de ano a Ribadeo, “virá para estar co CNR e vermos en qué situación e qué plantexamentos trae a todas as peticións realizadas. Agradézolle a José Carlos Rodríguez Andina que se interesara moito por este tema, él acudiu á reunión e teño que agradecerllo públicamente e estóulle moi agradecido tamén ao presidente de Portos de Galicia, que foi moi receptivo con nós”.
Cursos
Esta semana comezaron os cursos para a obtención do título de patrón de yate e do PER. O primeiro desenvolveráse os mércores e xoves de 17 a 19 horas e o segundo os xoves de 19:30 a 22 horas. Os cursos son impartidos pola empresa Costa Norte baixo a supervisión da Escuela Náutica Oficial de Xixón, que é onde terán lugar os exames. Os interesados en acudir a estes cursos aínda están a tempo de matricularse.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
