Nota de prensa
BURELA COMEZOU A PREPARAR O CENTENARIO DO CEMITERIO PARROQUIAL. BARCIA E PEDRE REUNÍRONSE CO CRONISTA OFICIAL E CO PÁRROCO PARA DEFINIR A PUBLICACIÓN QUE SE VAI EDITAR.
Burela, 28 de outubro de 2011. O equipo de goberno comezou a planificar nas últimas horas a conmemoración do centenario do cemiterio parroquial de Burela, ubicado na zona coñecida como Bouza dos Picos.
Nunha reunión, á que asistiron o alcalde, José María González Barcia, a concelleira de Cultura, Mónica Pedre, o cura párroco, Ramón Marful, e o cronista oficial burelés, Benjamín González Quelle, quedaron moi definidos os actos a celebrar de cara á indicada conmemoración.
Segundo apuntou Mónica Pedre, “está previsto editar unha publicación na que se recollerá un traballo do cronista oficial, Benjamín González Quelle, así como outros de varias persoas da vila, entre elas Emilia García, Herminia Pernas, Bríxida Pino e Luis Miguel Pedre, co fin de contemplar o cemiterio parroquial desde distintos ángulos e puntos de vista, desde o puramente relixioso ata a divulgación de datos sobre a súa construción, custos, etc”.
A concelleira de Cultura indicou que “para a vindeira semana está prevista unha nova reunión, con todas as persoas indicadas, para definir exactamente os distintos aspectos que cada unha delas abarcará nos seus escritos”. E subliñou que “de ser posible, farase coincidir a edición da publicación coa data de apertura do cemiterio, aínda que en todo caso a edición efectuarase no vindeiro ano 2012, no que se cumpre o centenario do camposanto burelés”.
Así mesmo, está prevista a colocación dunha lápida onde se atopa enterrado o cura párroco que promoveu a construción do cemiterio, e a colocación dunha placa conmemorativa á entrada do recinto. Mónica Pedre invitou “aos veciños e veciñas de Burela que teñan fotografías ou documentos relacionados co cemiterio parroquial a que os cedan temporalmente ao Concello para a súa dixitalización, coa garantía de que serán devoltos en cuestión de días. Igualmente, agradeceu de antemán a colaboración de total dispoñibilidade das persoas coas que se contactou para que a publicación sexa posible”.
Finalmente, Pedre manifestou que “a pretensión é que a publicación sexa sinxela, así como os actos de conmemoración do centenario do cemiterio”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
