Nota de prensa
Deputación e Cámara de Comercio impulsan o primeiro viveiro de empresas tecnolóxicas na provincia
– Besteiro e Torrón asinaron o convenio polo que a institución achega 180.000 euros para garantir ós emprendedores a posta en marcha dos seus proxectos, reducíndolles custes
– Segundo os prezos do mercado, un empresario TIC gasta un mínimo de 4.000 euros iniciais no aluguer e acondicionamento dun local en Lugo de tan só 70 metros cadrados
– O viveiro de empresas tecnolóxicas situarase nos locais da Cámara no Pazo de Feiras e Congresos da capital, reforzando os do FORCAM, CEL e CEI-NODUS, practicamente cubertos
O Presidente da Deputación, José Ramón Gómez Besteiro, e o Presidente da Cámara de Comercio de Lugo, Eduardo Núñez Torrón, asinaron este xoves un convenio de colaboración polo que o organismo provincial achega a dita entidade unha subvención de 180.000 euros para a creación do 1º viveiro de empresas exclusivamente orientadas ás novas tecnolóxicas da provincia. É unha iniciativa que resposta ás demandas que emprendedores das TIC lucenses formularon á Cámara de Comercio e á Deputación, durante o desenvolvemento das actividades do Innova-TE. O seu obxectivo é garantir a posta en marcha dos seus proxectos, aforrándolles custes e favorecendo a creación de emprego, así como o desenvolvemento da economía lucense.
Gómez Besteiro salientou que “o futuro de Lugo pasa polas novas tecnoloxías. De feito, onte, cando presentábamos o Orzamento da Deputación para 2012, adiantábamos que unha das maiores partidas económicas, os 15 millóns de euros que vimos de recibir da Unión Europea, adícanse, case exclusivamente, ó desenvolvemento das novas tecnoloxías como fonte de coñecemento, imprescindible, para xerar riqueza, emprego e facer fronte ó despoboamento demográfico. Os investimentos das administracións deben estar vinculados ás novas tecnoloxías, garantindo o seu acceso e logrando unha sociedade tecnolóxicamente potente. Por exemplo, son un claro defensor do voto electrónico porque ofrece solucións e aforra custes”. Pola súa banda, Núñez Torrón salientou que “vimos a necesidade de crear un viveiro de empresas dedicado exclusivamente ás novas tecnoloxías porque en Lugo non o hai. Acudimos á Deputación en busca de axuda porque sempre está disposta a participar en todo aquelo que represente progreso para a provincia. Estamos xa en contacto con empresas interesadas en situarse neste novo e especializado viveiro co que continuamos apoiando ó sector empresarial”.
Importancia do sector
Segundo o Instituto Nacional de Estatística (INE), Lugo conta con máis de 100 empresas tecnolóxicas que dan traballo 550 persoas. A súa facturación anual é de 60 millóns de euros, o que supón o 1% do PIB da provincia. O 80% das mesmas concéntranse na capital lucense e as restantes na Mariña e na zona Sur. Precisamente, o viveiro de empresas tecnolóxicas afincarase na cidade de Lugo, concretamente nos locais do Pazo de Feiras e Congresos que posúe a Cámara de Comercio, reforzando os da propia Cámara situados no edificio FORCAM, os da CEL, así como os do Concello de Lugo (CEI-NODUS), que están practicamente cubertos.
Aforro, emprego e sinerxias
Segundo os prezos do mercado, o aluguer dun local en Lugo de tan só 70 metros cadrados supón ó un desembolso de 400 euros ó mes. A esta cantidade hai que engadir o custe do seu acondicionamento, é dicir, a instalación básica TIC (equipamento electrónico e conexión a Internet) que conleva un investimento de a lo menos 3.500 euros. É dicir, un emprendedor tecnolóxico vese na obriga de gastar un mínimo de 4.000 euros iniciais. Deputación e Cámara de Comercio poñen a súa disposición agora, locais totalmente equipados e adaptados a un prezo simbólico, reducíndolles custes.
A subvención da institución provincial permitirá acondicionar os locais da Cámara, habilitando 2 prantas divididas en dous espazos de 250 metros cadrados cada un. Nelas situaranse despachos con mobiliario necesario, material informático ou conexión a Internet, que se reestructurarán segundo as necesidades dos demandantes. Terán a súa disposición tamén, oficinas virtuais, salas de reunións e videoconferencias, ou mesmo servizos de distribución e recepción de material. Ademais, os emprendedores contarán con persoal de apoio primeiro, para poñer en marcha o seu proxecto e, posteriormente, para o seu desenvolvemento. Isto leva aparellado, a contratación de persoal e, polo tanto, a creación de novos postos de traballo na provincia.
Ademais de non supor un investimento inicial, de contar cos medios materiais necesarios e co persoal cualificado, outra da vantaxes deste proxecto é que as novas entidades se atopen centralizadas no mesmo espazo, creando sinerxias, aproveitando recursos e favorecendo o desenvolvemento dos negocios.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
