Partidismo por riba dos veciños
Un dos erros máis graves nos que pode incorrer un político é o de carecer dun criterio claro e actuar dando bandanzos á hora de tomar posición nun asunto que afecta aos seus veciños. Aqueles que así se comportan perden a súa credibilidade, e amosan unha falta de coherencia e improvisación que os converte en políticos pouco fiables ante os seus votantes.
Un claro exemplo deste comportamento é no que teñen incorrido os edís da oposición en Cervo. PSOE e BNG votaron de xeito distinto e contraditorio no pleno municipal deste concello e no pleno da Deputación cando se abordaba un idéntico asunto: a anulación da sanción de 20 mil euros que a Deputación impón aos cervenses pola colocación duns postes eléctricos nunha vía provincial.
Non é a primeira vez que Lara Méndez e Xoán Antón Estúa e os partidos dos que forman parte amosan que están dispostos a antepoñer intereses partidistas aos intereses do conxunto dos seus veciños. Pero si é unha das situacións nas que esta falta de criterio fai un maior dano ao conxunto dos cervenses aos que prometeron defender.
Tanto se o PSOE ou o BNG foran coherentes co seu voto no pleno municipal, esta desproporcionada sanción coa que a Deputación persegue e castiga aos petos dos veciños de Cervo quedaría sen ningún efecto. De absterse Lara Méndez, como fixo en Cervo, os votos do PP -forza maioritaria na Deputación de Lugo- serían suficientes para reparar esta inxustiza. Pero decidiu cambiar o seu sentido de voto aínda en prexuízo dos seus veciños. Se o BNG votara en contra da sanción, como fixo en Cervo, sumados aos votos do PP obrigarían ao presidente da Deputación e poñer fin esta sanción inxusta.
Se xa é complicado entender como a Deputación insiste en manter unha sanción que non vén a conto moito máis que PSOE e BNG renuncien a defender aos seus veciños e cambien de postura segundo estean no salón de plenos da Deputación en Lugo ou no do Concello de Cervo.
Jose Manuel Balseiro Orol
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
