Nota de prensa
Mañá, martes 13, darán comezo as “Xornadas Gastronómicas da Cociña de Cunqueiro” no IES de Foz. Esta actividade está organizada polo Departamento de Hostalería, o Grupo de Traballo da Biblioteca e o Grupo de Dinamización Lingüística. É a segunda actividade que se organiza no marco da celebración do Centenario do nacemento de Álvaro Cunqueiro. A primeira delas consistiu na lectura de textos do autor na biblioteca, onde participou toda a comunidade educativa.
O menú-carta que se realizará os días, 13, 14 e 15 de decembro no comedor de Hostalería está baseado en pratos extraídos da literatura de Cunqueiro. Estes pratos teñen como ingredientes os diferentes productos da gastronomía galega aos que el fai continuamente referencia nas súas obras. O menú consiste en : vieira ao Albariño, arroz con berberechos, polbo á feira, empanada de lombo, orella de cocho, lacón con grelos, pescada á galega e rosquiñas e torta de Mondoñedo como sobremesa. Todo isto regado con diferentes viños galegos aos que Cunqueiro tamén cita como son Albariño Rías Baixas e Mencía Ribeira Sacra.
O prezo do menú é de 6€ para alumnos/as e 9€ para o profesorado. A decoración do comedor estará ambientada con textos, poemas e citas extraídas das diferentes obras de Cunqueiro, coidándose ata o mínimo detalle.
MENÚ DEGUSTACIÓN
COCIÑA CUNQUEIRIANA
Vieira ao albariño
Arroz con berberechos
Polbo á feira
Empanada de lombo
Orella de porco
Lacón con grelos
Pescada á galega
Roscas
Torta de Mondoñedo
VIÑOS
Albariño Rías Baixas
Mencía Ribeira Sacra
Martes 13, Mércores 14, Xoves 15
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
